ដោយ៖ សុផារី
ភ្នំពេញ៖ គិតត្រឹម៦ខែឆ្នាំ២០២២ រដ្ឋាភិបាលប្រមូលកម្រៃពីសេវាផ្ទេរ និងជួលអចលនទ្រព្យ បានប្រមាណ១៦២លានរៀល ហើយចំណូលពីកម្រៃសេវាសាធារណៈ ការជួលអចលនវត្ថុ និងពន្ធលើការផ្ទេរអចលនវត្ថុ មានចំនួន២.២៣៦.៨៣៦លានរៀល ឬប្រហែល៥៣៧.៨១៣លានដុល្លារអាមេរិក ។
នេះបើយោងតាមលោក ថេង ច័ន្ទសង្វារ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍នៅក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងរៀបចំដែនដី នគរូបនីយកម្ម និងសំណង់” ថ្ងៃទី២៤ ខែសីហា ឆ្នាំ២០២២នេះ។
លោករដ្ឋលេខាធិការបានឱ្យដឹងថា គិតចាប់ពីឆ្នាំ២០១៨ រហូតដល់៦ខែ ឆ្នាំ២០២២ រដ្ឋាភិបាលប្រមូលកម្រៃពីសេវាផ្ទេរ និងជួលអចលនទ្រព្យ បានប្រមាណ១៦២លានរៀល ឬប្រហែល លានដុល្លារអាមេរិក។ ចំណូលពីកម្រៃសេវាសាធារណៈ ការជួលអចលនវត្ថុ និងពន្ធលើការផ្ទេរអចលនវត្ថុ មានចំនួន២.២៣៦.៨៣៦លានរៀល៕
