ដោយ: លាងហួរ
តូក្យូ: កាសែត Yomiuri បានរាយការណ៍នៅថ្ងៃអង្គារ ទី២៣ ខែសីហានេះថា ក្រសួងហិរញ្ញវត្ថុរបស់ប្រទេសជប៉ុន គ្រោងនឹងស្នើរសុំថវិកាចំនួន២៦,៩ពាន់ពាន់លានយ៉េន(១៩៥,៥ពាន់លានដុល្លារ) សម្រាប់ការផ្តល់សេវាបំណុល ដែលចាប់ផ្តើមនៅខែមេសា ឆ្នាំ២០២៣ខាងមុខ។
កាសែត Yomiuri បានរាយការណ៍ថា ថវិកាស្នើឡើងនេះបានកើនឡើង១០,៩ភាគរយ ពីថវិកាសេវាបំណុលដំបូងសម្រាប់ឆ្នាំ២០២២នេះ។
ក្រសួងហិរញ្ញវត្ថុបានបដិសេធ មិនធ្វើអត្ថាធិប្បាយលើរបាយការណ៍នោះទេ។
ការកើនឡើងនៃថ្លៃសេវាបំណុលជាតិ ឬការទូទាត់ការប្រាក់ និងការរំលស់បំណុលបានគូសបញ្ជាក់ ពីបន្ទុកបំណុលសាធារណៈដ៏ធ្ងន់បំផុតរបស់ ឧស្សាហកម្ម ដែលលើសពីទំហំសេដ្ឋកិច្ចរបស់ប្រទេសជប៉ុន លើសពី២ដង។
ការចំណាយលើសេវាបំណុល មានចំនួនច្រើនជាង២០ភាគរយ នៃការចំណាយថវិកាប្រចាំឆ្នាំរបស់ប្រទេសជប៉ុន ដែលធ្វើឱ្យវាក្លាយជាធាតុធំបំផុតទីពីរ បន្ទាប់ពីការចំណាយលើសន្តិសុខសង្គមកើនឡើង។
ដោយផ្អែកលើគម្រោងថវិការបស់រដ្ឋាភិបាល ក្រសួងរបស់ប្រទេសជប៉ុននឹងដាក់សំណើថវិកា របស់ពួកគេនៅចុងខែសីហានេះ សម្រាប់ការចរចាឆ្ពោះទៅរកសេចក្តីព្រាងការចងក្រងថវិកានៅចុងខែធ្នូ។
នៅក្រោមគម្រោងនេះ សំណើថវិកាសុខុមាលភាពអាចកើនឡើងដល់៥៦០ពាន់លានយ៉េន ដើម្បីជួយផ្តល់មូលនិធិ ដល់ការចំណាយសម្រាប់ជួយដល់ប្រជាជន ដែលមានវ័យចំណាស់របស់ខ្លួន ដែលស្មើនឹងមួយភាគបីនៃថវិកាប្រចាំឆ្នាំ ដែលមានតម្លៃប្រហែល១០៧ពាន់ពាន់លានយ៉េន៕
