ដោយៈចរិយា
ភ្នំពេញៈ បណ្ដាលក្រុមហ៊ុនគួរតែប្រើប្រាស់វិធីសាស្ត្រសំខាន់ៗ ដើម្បីទប់ទល់នឹងបញ្ហានាំ ដែលឱ្យរាំងស្ទះដល់ដំណើរការ និងការរីកចំរើនរបស់ក្រុមហ៊ុន។
ខាងក្រោមនេះគឺជាយុទ្ធសាស្ត្រទាំង៥ ដែលលោកអ្នកត្រូវអនុវត្តជាចាំបាច់:
១. ការពង្រឹងនិងពង្រីកសេវាកម្មអោយកាន់តែប្រសើរឡើង
លោកអ្នកត្រូវកែប្រែប្រព័ន្ធបច្ចេកវិទ្យាចាស់ ដែលរាំងស្ទះដល់ការផ្ដល់ពត៌មានជូនអតិថិជន ដំណើរការការផ្ដល់សេវាកម្មទៅកាន់អតិថិជន ត្រូវមានប្រសិទ្ធិភាពខ្ពស់ និងជោគជ័យ និងការប្រតិបត្តិការរបស់អតិថិជនជាមួយអាជីវកម្ម លោក អ្នកត្រូវមានភាពងាយស្រួល រលូន ច្បាស់លាស់ សាមញ្ញនិងរហ័សទាន់ចិត្ត។
គ្រប់ពេលដែលមានការប្រតិបត្តិការកើតឡើង ជាពិសេសសុវត្ថិភាពគណនីទឹកប្រាក់របស់អតិថិជន ត្រូវតែរៀបចំប្រព័ន្ធការពារទុកជាមុន។ រាល់បញ្ហាផ្សេងៗដែលអាចកើតឡើងបាន ហើយអតិថិជនអាចធ្វើការត្រួតពិនិត្យគណនីផ្ទាល់ខ្លួន តាមវិធីងាយស្រួលគ្មានការបារម្ភ បន្ទាប់ពីពួកគេបានបញ្ជូលលេខសំងាត់គណនីទឹកប្រាក់រួច នឹងជួយកសាងទំនាក់ទំនងឱ្យកាន់តែរឹងមាំ ជាមួយអាជីវកម្មលោកអ្នកទៅថ្ងៃខាងមុខផងដែរ។
២. ការទូទាត់ប្រាក់ដោយរក្សាគន្លាតទំនាក់ទំង រវាងអតិថិជននិងអាជីវកម្ម
អ្នកប្រើប្រាស់ ម៉ាស្ទ័រកាត៧៩%នៅជុំវិញពិភពលោកបាឆ្លើយថា ពួកគេកំពុងប្រើប្រាស់សេវាការទូទាត់ ដែលមិនមានទំនាក់ទំនង ដោយសារតែការព្រួយបារម្ភពីសុវត្ថិភាព និងចំណេញពេលវេលាក្នុងការរស់នៅប្រចាំថ្ងៃ។
ដូច្នេះការទូទាត់បែបនេះ និងចាក់ឬសនៅក្នុងទីផ្សារ ដែលមិនសូវអភិវឌ្ឍន៍ហើយត្រូវបានបំពេញបន្ថែម នៅក្នុងវស្រទាប់មនុស្សពេញវ័យ។ តាមរយៈការកែប្រែប្រពន្ធ័បង់ប្រាក់ ដើម្បីសម្រួលដល់ការឆែកឆេរ ដោយមិនចាំបាច់ប៉ះពាល់ និងធ្វើឱ្យមនុស្សស្ងប់អារម្មណ៍ មិនមានការព្រួយបារម្ភពីការឆ្លងពីជំងឺរាតត្បាតផ្សេងៗ និងធានាថាពួកគេទទួលបានបទពិសោធន៍ល្អប្រសើរឡើង នៅពេលអនាគត។
៧៤%នៃអ្នកចូលរួមឆ្លើយបាននិយាយថា ពួកគេនឹងបន្តប្រើប្រាស់សេវានេះដដែល បន្ទាប់ពីជំងឺរាតត្បាត Covid-19បានចប់។
៣. បង្កើត App ផ្សព្វផ្សាយពីអាជីវកម្មរបស់អ្នក
បង្កើតកម្មវិធីApp ដែលចាត់ទុកដូចជាអ្នកជំនាញ តំណាងឱ្យអាជីវកម្មអ្នក មានពត៌មានសំម្បូរបែបទាក់ទងទាំងអស់ និងត្រូវផ្សព្វផ្សាយដោយត្រឹមត្រូវ រួមទាំំងការឆ្លើយតបរហ័សទាន់ចិត្ត ដើម្បីផ្ដល់អត្ថប្រយោជន៍សម្រាប់ទាំងអ្នកទិញ និងម្ចាស់អាជីវកម្មទៅវិញទៅមក។
យើងដឹងថាមនុស្សកំពុងប្រើប្រាស់កម្មវិធី Apps ផ្សេងៗ ដើម្បីទទួលបាននូវអ្វីដែលថ្មី ដែលពួកគេត្រូវការនិងចង់បាន។ វាក៏ឆ្លើយតបទៅនឹងតម្រូវការ ដែលកំពុងតែកើនឡើងសម្រាប់ជំរើសដ៏ល្អមួយ នៃសេវាកម្មរបស់អាជីវកម្មផងដែរ។
៤. ប្រៀបធៀបអាជីវកម្មរបស់អ្នកជាមួយនឹងការប្រកួតប្រជែងនៅលើទៅផ្សារ
អតិថិជនអាមេរិក៨៣% បានស្រាវជ្រាវតាមប្រព័ន្ធអេឡិចត្រូនិច កុំព្យូទ័រ សៀវភៅ តន្ត្រី សេវាកម្មដំណើរកំសាន្ត ភាពយន្ត និងរបស់របរជាច្រើនទៀត មុនពេលសម្រេចចិត្តទិញផលិតផលពីហាងលក់ទំនិញ ក៏ដូចជាតាមវេបសាយជាដើម។
ការមានសមត្ថភាពជំនាញ របស់លោក អ្នកលើការប្រៀបធៀបតម្លៃទំនិញ រឺក៏សេវាកម្ម និងតាមដានការប្រកួតប្រជែងផ្សេងៗលើទីផ្សារ រួមទាំងឥរិយាបទទិញអីវ៉ាន់របស់អតិថិជនទាំងក្នុងអាជីវកម្មលោកអ្នក និងអាជីវកម្មគូប្រកួតប្រជែង។
ត្រូវធ្វើឱ្យអតិថិជនរបស់អ្នកពេញចិត្ត និងធ្វើការប្រៀបធៀបជាមុន ដើម្បីស្វែងយល់ពីតម្លៃពិតប្រាកដនៃផលិតផលរបស់អ្នក មុននឹងពួកគេសម្រេចចិត្តទិញគូប្រជែងរបស់អ្នក។ ធ្វើការបង្កើនកម្មវិធីបច្ចេកវិទ្យា ឱ្យសមស្របទៅតាមបរិបទសង្គមបច្ចុប្បន្ន ដើម្បីត្រៀមទទួលអតិថិជនថ្មីៗ និងអាចឆ្លើយតប ការប្រតិបត្តិការជាមួយអតិថិជនមានប្រសិទ្ធិភាពខ្ពស់។
៥. ភ្ជាប់ឧបករណ៍ ឬកម្មវិធីទំនាក់ទំនង ជាមួយអតិថិជនឡើងវិញច្រើនជាងមុន
ការសន្ទនារវាងអាជីវកម្ម លោក អ្នកជាមួយអតិថិជន មិនត្រូវបានបញ្ចប់នោះឡើយ អ្នកត្រូវតែយល់ដឹងពីការផ្លាស់ប្ដូរឥរិយាបទអ្នកទិញ និងដោះស្រាយបញ្ហារបស់អ្នកទិញរហូតទទួលបានជោគជ័យក្នុងការលក់។
អតិថិជនអាចគ្មានពេលវេលាគ្រប់គ្រាន់ ក្នុងការតាមដានពីអាជីវកម្មរបស់លោកអ្នក ដូចនេះអ្នកត្រូវផ្លាស់ប្ដូរ ទៅជាការប្រតិបត្តិការប្រភេទបច្ចេកវិទ្យាច្រើនជាងមុន ទៅលើ App, Website, Facebook Page, ជាដើមដែលជាកម្មវិធី ដែលមនុស្សភាគច្រើនសុទ្ធតែមាននៅក្នុងទូរស័ព្ទដៃរបស់ខ្លួន។ រឺក៏អាចបន្ថែមដោយការផ្ញើរសារ ទៅកាន់អ្នកទិញថ្មី និងចាស់ដោយផ្ទាល់អំពើទំនិញ និងសេវាកម្មថ្មីៗ រឺក៏ការបញ្ចុះតម្លៃ នៅក្នុងអាជីវកម្មរបស់អ្នក៕
