ដោយ៖ សហការី
ភ្នំពេញ៖ ក្នុងឆមាសទី១ នៃឆ្នាំ២០២២នេះ នាយកដ្ឋានគយ និងរដ្ឋាករកម្ពុជា បានប្រមូលពន្ធលើការនាំចូលសម្ភារសំណង់ និងកម្រៃផ្សេងៗមានចំនួនប្រមាណ៧៩,២លានដុល្លារ ឬស្មើនឹង៦,១%នៃចំណូលពន្ធសរុប។
នេះបើយោងតាមកិច្ចប្រជុំបូកសរុបលទ្ធផលការងារគយ និងរដ្ឋាករប្រចាំឆមាសទី១ ឆ្នាំ២០២២ ក្រោមអធិបតីភាពអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី០៣ ខែសីហា ឆ្នាំ២០២២។
នៅក្នុងឆមាសទី១ឆ្នាំ២០២២នេះ នាយកដ្ឋានគយ និងរដ្ឋាករកម្ពុជា បានប្រមូលពន្ធលើការនាំចូលបានសរុបបានប្រមាណ១៣០០លានដុល្លារ ដែលកើនឡើង១២% បើធៀបនឹងរយៈពេលដូចគ្នានៅក្នុងឆ្នាំមុន។
ក្នុងនោះពន្ធលើការនាំចូលសម្ភារសំណង់ និងកម្រៃផ្សេងៗមានចំនួនប្រមាណ៧៩,២លានដុល្លារ ឬស្មើនឹង ៦,១% នៃចំណូលពន្ធសរុប៕
