ផលិតផលកម្មប្រេងរុស្ស៊ីកើនឡើង ៣,៤ភាគរយក្នុងឆមាសទី១នេះ

ដោយ៖ លាងហួរ

រុស្ស៊ី៖ រដ្ឋមន្ត្រីថាមពលរុស្ស៊ី លោក Nikolai Shulginov បាននិយាយកាលពីថ្ងៃព្រហស្បតិ៍ថា ផលិតកម្មប្រេងរបស់ប្រទេសរុស្ស៊ីបានកើនឡើង៣,៤ភាគរយ ក្នុងរយៈពេលប្រាំមួយខែដំបូងនៃឆ្នាំ២០២២ បើប្រៀបធៀបនឹងរយៈពេលដូចគ្នាកាលបីឆ្នាំ២០២១។

នៅក្នុងកិច្ចប្រជុំជាមួយប្រធានាធិបតីរុស្ស៊ី លោក ពូទីន លោក Shulginov បានរាយការណ៍ថា ផលិតកម្មប្រេងរបស់ប្រទេសរុស្ស៊ី ក្នុងឆមាសទីមួយ បានកើនឡើង៣,៤ភាគរយ ពីមួយឆ្នាំទៅមួយឆ្នាំ ខណៈដែលផលិតកម្មឧស្ម័នធម្មជាតិបានធ្លាក់ចុះ៥ភាគរយ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោករដ្ឋមន្ត្រីបាននិយាយថា ខណៈពេលផលិតកម្មធ្យូងថ្ម នៅក្នុងឆមាសទីមួយនៃឆ្នាំ២០២២ នៅតែស្ថិតក្នុងកម្រិតដូចគ្នាជាមួយនឹងរយៈពេលដូចគ្នាកាលពីឆ្នាំមុន ការផលិតប្រេងឥន្ធនៈ និងប្រេងម៉ាស៊ូតបានកើនឡើងចំនួន៤,៥ភាគរយ។

ចំណែកដំណើរការនៃវិស័យថាមពល នៅក្នុងឆមាសទីមួយ លោក Shulginov បាននិយាយថា រុស្ស៊ីអាចសម្របខ្លួនទៅនឹងលក្ខខណ្ឌសេដ្ឋកិច្ចដ៏លំបាក ដោយបន្ថែមថាទីផ្សារថាមពលក្នុងស្រុកមានស្ថេរភាព ហើយមិនមានការលំបាកក្នុងការផ្គត់ផ្គង់ថាមពលនោះទេ៕

LEAVE A REPLY

Please enter your comment!
Please enter your name here