ជនបរទេសដែលអាចទទួលបានវីសារយៈពេល១០ឆ្នាំនៅកម្ពុជាត្រូវមានទុនវិនិយោគ១០ម៉ឺនដុល្លារ

ដោយៈ ជេស៊ីកា

ភ្នំពេញៈ Cambodia My 2Homeបាននិងកំពុងក្លាយជាផ្នែកដ៏សំខាន់មួយទៀត ក្នុងការទាក់ទាញការវិនិយោគពីបរទេស មកកាន់កម្ពុជា ដោយជនបរទេសអាចស្នាក់នៅ និងចេញចូលកម្ពុជារយៈពេល១០ឆ្នាំ។

យោងតាមឯកសារដែលផ្តល់ជូនពីក្រុមហ៊ុន Cambodia My 2Homeបានឲ្យដឹងថា ដើម្បីចូលជាសមាជិក គឺជនបរទេសត្រូវតែមានអាយុចាប់ពី18ឆ្នាំឡើងទៅ ហើយជាពលរដ្ឋនៃប្រទេសឬតំបន់ ដែលទទួលស្គាល់ដោយរដ្ឋាភិបាលកម្ពុជា មានការទទួលស្គាល់ពីក្រសួងមហាផ្ទៃ មានដើមទុនវិនិយោគមិនតិចជាង100,000ដុល្លារ ក្នុងប្រទេសកម្ពុជា និងមានសិទ្ធិស្នើសុំគណនីធនាគារផ្ទាល់ខ្លួន និងគណនីជឿទុកចិត្ត។

ក្រសួងមហាផ្ទៃបានសម្រេចប្រកាសគាំទ្រ សមាគមមូលនិធិគ្រួសារខ្មែរ បង្កើតនូវកម្មវិធីCambodia My 2 Home “កម្ពុជាផ្ទះទី២របស់ខ្ញុំ” ដែលជាកម្មវិធីតែមួយគត់ ដែលអនុញ្ញាត ឲ្យអ្នកវិនិយោគបរទេស ដែលចូលជាសមាជិករបស់កម្មវិធី“កម្ពុជាផ្ទះទី២របស់ខ្ញុំ” អាចទទួលបានទិដ្ឋាការមាសរយៈពេល១០ឆ្នាំ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

កម្មវិធីទាំងមូលបានផ្ដោតសំខាន់ ទៅលើវិស័យជាច្រើន រួមមានការលុបបំបាត់ក្រុមហ៊ុនអន្តោប្រវេសន៍ ដែលគ្មានការអនុញ្ញាត និងចាប់ផ្ដើមសេដ្ឋកិច្ចឡើងវិញ ព្រមទាំងជម្រុញការ វិនិយោគបរទេសមកកាន់ ប្រទេសកម្ពុជា។

កម្មវិធី “កម្ពុជាផ្ទះទី២របស់ខ្ញុំ” នឹងទាក់ទាញភ្ញៀវវិនិយោគ បរទេសជាច្រើនចូលមកប្រទេសកម្ពុជា ដែលផ្ដល់នូវឱកាសការងារជាច្រើនដល់ប្រជាជននិងជួយគាំទ្រការអភិវឌ្ឍន៍ នៅក្នុងប្រទេសស្របតាមគោល នយោ បាយរបស់រាជរដ្ឋាភិបាលកម្ពុជា។

Cambodia My 2nd Home (CM2H) គឺជាកម្មវិធីសម្រាប់ជនបរទេស ដែលមានបំណងចង់រស់នៅ ក្នុងព្រះរាជាណាចក្រកម្ពុជា ជាមួយនឹង Golden Visa រយះពេល10ឆ្នាំ ព្រមទាំងអាចស្នើសុំលិខិតឆ្លងដែនព្រះរាជាណាចក្រកម្ពុជា ក្រោយការទទួលបានទិដ្ធាការរយៈពេល5ឆ្នាំ។

CM2H ផ្តល់សេវាកម្មជាច្រើនសម្រាប់សមាជិក ដូចជាការចុះឈ្មោះអាជីវកម្មក្នុងស្រុក ការបើកគណនីធនាគារ ការស្នើសុំប័ណ្ណការងារ ការការ​ពារសុខភាព ការស្នើសុំប័ណ្ណបើកបរ ការរៀបចំកន្លែងស្នាក់នៅ ប្រឹក្សាយោ​បល់លើការអប់រំ ច្បាប់ និងពន្ធ ការធ្វើផែនការហិរញ្ញវត្ថុ ការគ្រប់គ្រងអចលនទ្រព្យ និងដីធ្លី និង ល។

តើការក្លាយជាសមាជិកCM2H មានអត្ថប្រយោជន៍អ្វីខ្លះ? អត្ថប្រយោ​ជន៍នៃការក្លាយជាសមាជិក CM2H គឺអ្នកអាចទទួលបានទិដ្ឋាការមាសរយៈពេល10ឆ្នាំ និងអាចស្នើសុំលិខិតឆ្លងដែនកម្ពុជា បន្ទាប់ពី5ឆ្នាំនៃការទទួលបានទិដ្ឋាការមាស៕

LEAVE A REPLY

Please enter your comment!
Please enter your name here