ផ្សារហ៊ុនរបស់សហរដ្ឋអាមេរិកស្ទុះងើបឡើងវិញធ្វើឱ្យផ្សារហ៊ុនអាស៊ីមានកំណើនខ្ពស់

ដោយ៖ លាងហួរ

អាស៊ី៖ ផ្សារហ៊ុនអាស៊ីបានងើបឡើង នៅថ្ងៃច័ន្ទនេះ ក្រោយពីភាគហ៊ុន Wallstreetរបស់សហរដ្ឋអាមេរិកបានស្ទុះងើបឡើងវិញយ៉ាងខ្លាំង នៅចុងសប្តាហ៍មុន ដោយសារតម្លៃប្រេងនៅអាមេរិកបានធ្លាក់ចុះ និងមានការរឹតបន្តឹងទុនបម្រុង។​

អត្រាការប្រាក់រតនាគារនៅតែបន្តធ្លាក់ចុះ ហើយប្រាក់ដុល្លារបានធ្លាក់ចុះជិតដល់កម្រិតទាបបំផុត ក្នុងរយៈពេលជាងមួយសប្តាហ៍ ខណៈដែលអ្នកវិនិយោគបានបន្តវាយតម្លៃ អំពីការដំឡើងអត្រាការប្រាក់របស់សហរដ្ឋអាមេរិក និងសក្តានុពល ដែលធ្វើឱ្យសេដ្ឋកិច្ចធ្លាក់ចុះ។

ផ្សារហ៊ុនNikkei របស់ប្រទេសជប៉ុនបានកើនឡើង១,០៤ភាគរយ ខណៈដែលផ្សារហ៊ុនBenhmark របស់ប្រទេសអូស្ត្រាលីបានកើនឡើង១,៦៩ភាគរយ។

ផ្សារហ៊ុនBluechip របស់ប្រទេសចិនបានកើនឡើង០,៥៤ភាគរយ ហើយផ្សារហ៊ុនHang Seng របស់ហុងកុងបានកើនឡើង១,៤៦ភាគរយ។ ផ្សារហ៊ុនKospi របស់ប្រទេសកូរ៉េខាងត្បូងបានកើនឡើង១,៦៥ភាគរយ។ សន្ទស្សន៍ផ្សារហ៊ុនអាស៊ី ប៉ាស៊ីហ្វិក របស់ក្រុមហ៊ុនMSCI បានកើនឡើង១,៣១ភាគរយ។

យ៉ាងណាក៏ដោយអនាគតផ្សារហ៊ុនរបស់សហរដ្ឋអាមេរិកចង្អុលបង្ហាញពីការធ្លាក់ចុះ០,២៥ភាគរយ នៅពេលដែលទីផ្សារហ៊ុនបើកឡើងវិញ។ កាលពីថ្ងៃសុក្រផ្សារហ៊ុនS&P500 បានកើនឡើងច្រើនជាង៣ភាគរយ៕