ដោយៈ វិវឌ្ឈន៍
ភ្នំពេញៈ ការលេចឡើងនៃធនាគារវិនិយោគ ហេដ្ឋារចនាសម្ព័ន្ធអាស៊ី ដឹកនាំដោយប្រទេសចិន (AIIB) មានសក្តានុពលក្នុងការផ្លាស់ប្តូរយ៉ាងខ្លាំងពីរបៀប ដែលប្រទេសកម្ពុជាកំពុងខិតខំប្រឹងប្រែងបំពេញ តាមចំណុចដៅរបស់គោលដៅអភិវឌ្ឍន៍ប្រកបដោយចីរភាព។
គោលបំណងរបស់ធនាគារវិនិយោគហេដ្ឋារចនាសម្ព័ន្ធអាស៊ី (AIIB) គឺធ្វើការបំពេញ មិនមែនជាការប្រកួតប្រជែង ជាមួយនឹងស្ថាប័នហិរញ្ញវត្ថុពហុភាគី។
យ៉ាងណាក៏ដោយរបៀបវារៈ របស់ធនាគារវិនិយោគហេដ្ឋារចនាសម្ព័ន្ធអាស៊ី (AIIB) ផ្តោតលើពាណិជ្ជកម្ម នៃកិច្ចសហប្រតិបត្តិការសេដ្ឋកិច្ចលើហេដ្ឋារចនាសម្ព័ន្ធជាជាងវិធីសាស្ត្រ ដែលដឹកនាំដោយម្ចាស់ជំនួយដែលមានលក្ខខណ្ឌដែលត្រូវបំពេញ។
ការផ្តោតការយកចិត្តទុកដាក់នេះ គឺផ្អែកលើគោលការណ៍ចំនួនប្រាំដែលបានបញ្ជាក់នៅក្នុងសៀវភៅសឆ្នាំ ២០១៤ ស្តីពីជំនួយបរទេសរបស់ចិន។ គោលការណ៍ខ្លះមានភាពចម្រូងចម្រាស ដែលរួមមាន មិនជ្រៀតជ្រែកកិច្ចការអធិបតេយ្យភាព មិនមានលក្ខខណ្ឌភ្ជាប់ជាមួយ ជាពិសេសទាក់ទងនឹងអភិបាលកិច្ច និងការប្តេជ្ញាចិត្តចំពោះគោលនយោបាយ “ចិនតែមួយ” ដោយគោរពទំនាក់ទំនងជាមួយប្រទេសតៃវ៉ាន់៕