ដោយៈគង់ ម៉ាលីនណា
ភ្នំពេញៈ ទិន្នន័យរបស់អគ្គនាយកដ្ឋានគយ និងរដ្ឋាករកម្ពុជាបានបង្ហាញថា ប្រទេសកម្ពុជាបាននាំចូលដែក និងដែកថែប មានតម្លៃសរុប១១៩.៧លានដុល្លារក្នុងរយៈពេល៤ខែដើមឆ្នាំ២០២២នេះ។
ទំហំនៃការនាំចូលនេះបានកើនឡើង១៩ភាគរយ បើធៀបនឹងរយៈពេលដូចគ្នាកាលពីឆ្នាំមុន។
របាយការណ៍បានបន្តថា តម្លៃនាំការនាំចូលដែក និងដែកថែបនេះមានប្រមាណ១,១៩២ភាគរយ នៃតម្លៃនាំចូលសរុបរបស់កម្ពុជាក្នុងរយៈពេលបួនខែ១០ពាន់លានដុល្លារ។ កាលពីខែមេសា ការនាំចូលដែក និងដែកថែបចូលកម្ពុជា មានតម្លៃប្រមាណ៣៥.៦លានដុល្លារ កើនឡើង ៨៣.៦ភាគរយ ធៀបនឹងខែមេសាឆ្នាំមុន។
របាយការណ៍របស់ក្រសួងរៀបចំដែនដី នគរូបនីយកម្ម នុងសំណង់បានឲ្យដឹងផងដែរថា ក្នុងឆ្នាំ២០២១ កម្ពុជា មានគម្រោងសាងសង់ថ្មីសរុបចំនួន៤៣០៣គម្រោង ត្រូវបានអនុម័តទូទាំងប្រទេស ជាមួយនឹងទំហំទុន វិនិយោគទុនចុះបញ្ជីសរុបចំនួន៥.៣ពាន់លានដុល្លារ ធ្លាក់ចុះ៣១ភាគរយធៀបនឹងឆ្នាំ២០២០ និងផ្ទៃដីសរុប១៣លានម៉ែត្រការ៉េ៕
