ដោយៈសុធី
បាតដំបងៈ វិស័យអចលនទ្រព្យក្នុងខេត្តបាត់ដំបង ចាប់ផ្តើមមានសកម្មភាពល្អឡើងវិញ ខណៈតម្រូវការដីសម្រាប់វិស័យកសិកម្មកំពុងតែមានតម្រូវការខ្ពស់។
បើទោះជាយ៉ាងនេះក្តី បច្ចុប្បន្នេនះអ្នកវិនិយោគធំៗ កំពុងតែសម្លឹងមើលពីសក្តានុពលខេត្តមួយនេះ បន្ទាប់ពីរងទទួលនូវវិបត្តកូវិដជាង២ឆ្នាំកន្លងទៅនេះ។
លោកបាង សីន នាយកទីផ្សារគំរោងអចលនទ្រព្យមួយប្រចាំខេត្តបាត់តំបង បានមានប្រសាសន៍កាលពីថ្ងៃ៦ ខែ៥ឆ្នាំ២០២២នេះថា ខេត្តបាត់ដំបងសព្វថ្ងៃនេះ មិនចាញ់ខេត្តសៀមរាប និងខេត្តមួយចំនួននោះទេ ព្រោះខេត្តនេះក៏នៅជិតព្រំដែនប្រទេសថៃដែរ ដែលងាយស្រួលក្នងការធ្វើពណិជ្ជកម្មជាមួយប្រទេសថៃនោះ។
លោកបានបន្តទៀតថា “តម្រូវការវិស័យអចលនទ្រព្យ ក្នុងខេត្តនៅពេលនេះកំពុងមានសញ្ញា កម្រើកឡើងវិញ បើទោះបីជាតម្រូវការនៅមានកម្រិតក៏ដោយ”។ លោកបន្តថា “ខ្ញុំគិតថា នៅពេលអនាគតខេត្តបាត់ដំបងអាចចម្រូវការខ្ពស់ សំរាប់លំនៅដ្ឋានបន្ទាប់ពីខេត្តសៀមរាប”។
លោកបានបន្តថា តម្លៃដីធ្លីនៅក្នុងខេត្តបាត់ដំបង នៅតំបន់ដែលមានសកម្មភាពពាណិជ្ជ កម្មរស់រវើក មានតម្លៃខ្ពស់មិនចាញ់ខេត្តសៀមរាម និងខេត្តនានាទេសព្វថ្ងៃនេះ ហើយផ្ទះល្វែងដែលកំពុងសាងសង់នៅក្នុងខេត្តរីកដូចផ្សិតនាពេលបច្ចុប្បន្ននេះ។
ដោយសារតែខេត្តដែលសំបូរ ទៅដោយតំបន់ទេសចរណ៍ ទាំងតំបន់ប្រវត្តិសាស្រ្ត និងធម្មជាតិ ដូចជាសំណង់ប្រវត្តិសាស្រ្ត រូងប្រជៀវ និងរថភ្លើងឬស្សី ដែលបានទាក់ទាញភ្ញៀវទេសចរណ៍ជាតិ និងអន្តរជាតិជាច្រើន។ ការទាក់ទាញទេសចរណ៍នេះ បានធ្វើឲ្យវិស័យបដិសណ្ឋាកិច្ច ដូចជាសណ្ឋាគារ ផ្ទះសំណាក់មានការរីកលូតលាស់យ៉ាងខ្លាំង ដើម្បីបំពេញតម្រូវការផ្នែកទេសចរណ៍។
ក្នុងរយះពេលប៉ុន្មានឆ្នាំចុងក្រោយនេះ រាជរដ្ធាភិបាលបានខិតខំសាងសងនូហេដ្ធារចនសម្ព័ន្ទ ដូចជា ផ្លូវថ្នល់ប្រពន័្ធទឹកស្អាតនិងប្រពន័្វហេដ្ធារចនាសម្ព័ន្ទជាច្រើនទៀត ដើម្បីជាសេចក្តិត្រូវការរបស់ប្រជាពលរដ្ធយើងនៅក្នុងខេត្តទាំងមូល៕
