ក្រសួងអប់រំអនុញ្ញាតឱ្យវិទ្យាស្ថានពាណិជ្ជសាស្ត្រអេស៊ីលីដាដាក់ដំណើរការឡើងវិញនៅថ្ងៃនេះ

ដោយៈ ម៉ាណេត

ភ្នំពេញៈ ក្រសួងអប់រំ យុវជន និងកីឡា បានអនុញ្ញាតឱ្យវិទ្យាស្ថានពាណិជ្ជសាស្ត្រ អេស៊ីលីដា បើកដំណើរការឡើងវិញនៅថ្ងៃនេះ ខណៈគ្រឹះស្ថានសិក្សានេះត្រូវគោរព និងអនុវត្តឱ្យបានម៉ឺងម៉ាត់ និងខ្ជាប់ខ្ជួនបំផុតតាមខ្លឹមសារនៃគោលការណ៍ស្តង់ដា (SOP) និងអនុស្សារណៈនៃការយោគយល់គ្នា ព្រមទាំងលិខិតបទដ្ឋានគតិយុត្តិផ្សេងៗទៀត ដែលមានជាធរមាន។

ការអនុញ្ញាតឱ្យដំណើរការឡើងវិញនេះ ត្រូវបានធ្វើឡើងនៅថ្ងៃទី១៤ ខែកញ្ញា ឆ្នាំ២០២០ បន្ទាប់រាជរដ្ឋាភិបាល កាលពីពាក់កណ្តាលខែមីនា ឆ្នាំ២០២០ បានសម្រេចប្រកាសឱ្យផ្អាកដំណើរការនូវទីកន្លែងប្រមូលផ្តុំ និងជួបជុំមួយចំនួន ដើម្បីទប់ស្កាត់ការរីករាលដាលនៃជំងឺឆ្លង Covid-19នៅកម្ពុជា ដែលក្នុងនោះរួមមាន មណ្ឌលហាត់ប្រាណ សាលារៀន ក្លិបកម្សាន្ត បៀរហ្គាឌិន ខារ៉ាអូខេ និងការជួបជុំពិធីសាសនា ជាដើម។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ធនាគារ អេស៊ីលីដា កាលពីខែធ្នូ ឆ្នាំ២០២៨ បានប្រកាសដាក់ឲ្យដំណើរការវិទ្យាស្ថានពាណិជ្ជសាស្រ្តអេស៊ីលីដា ដែលមានតួនាទីក្នុងការរួមចំណែក បណ្តុះបណ្តាលជំនាញ និងវិជ្ជាជីវៈក្នុងវិស័យធនាគារ និងហិរញ្ញវត្ថុនៅកម្ពុជា។

វិទ្យាស្ថានពាណិជ្ជសាស្រ្តអេស៊ីលីដា (AIB) មានទីតាំងនៅខណ្ឌសែនសុខ តាមបណ្តោយវិថីមិត្តភាព ភ្នំពេញហាណូយ បានចំណាយទុនវិនិយោគសរុប៣៦,៧ លានដុល្លារ (រួមទាំងតម្លៃដី)

វិទ្យាស្ថាន AIB បានបង្កើតឡើង ដោយឆ្លងកាត់ដំណាក់កាលជាច្រើន ដោយចាប់ ផ្តើមដំបូង ចេញពីផ្នែកហ្វឹកហ្វឺនរបស់ធនាគារអេស៊ីលីដា ទៅជានាយកដ្ឋានហ្វឹកហ្វឺនបន្ទាប់មកក្លាយជាមជ្ឈមណ្ឌល បណ្តុះបណ្តាលមីក្រូហិរញ្ញវត្ថុ អេស៊ីលីដាអាស៊ាន និងចុងក្រោយក្លាយជាគ្រឹះស្ថានឧត្តមសិក្សានៅដើមឆ្នាំ ២០១៦។

ក្នុងរយៈពេល២ទសវត្សរ៍ចុងក្រោយ ទីផ្សារការងារកម្ពុជា និងសកល ដែលត្រូវការជាចាំបាច់នូវធនធានមនុស្សប្រកបដោយសមត្ថភាពខ្ពស់។

ធនាគារអេស៊ីលីដា ភីអិលស៊ីបានបោះទុន វិនិយោគលើវិស័យអប់រំ ដោយសាងសង់អគារវិទ្យាស្ថានពាណិជ្ជសាស្រ្តអេស៊ីលីដា ក្នុងគោលបំណងបំពេញនូវតម្រូវការចាំបាច់នៃកំណើនសិស្ស និស្សិត និងសិក្ខាកាម ជាការរួមចំណែកនៅក្នុងវិស័យអប់រំកម្ពុជា៕

LEAVE A REPLY

Please enter your comment!
Please enter your name here