ដោយ៖ ម៉ាលីស
ភ្នំពេញ: ពាណិជ្ជកម្មទ្វេភាគីរវាងកម្ពុជា និងសហភាពអឺរ៉ុប (EU) បានកើនឡើង១១ភាគរយដល់ប្រមាណ៣៤៨២លានដុល្លារអាមេរិក ក្នុងរយៈពេលដប់ខែដំបូងនៃឆ្នាំនេះ បើទោះបីជាមានការរីករាលដាលនៃជំងឺកូវីដ-១៩ក៏ដោយ។
តួលេខនេះត្រូវបានបង្ហាញនៅក្នុងរបាយការណ៍ថ្មីមួយរបស់ក្រសួងពាណិជ្ជកម្ម ដោយបន្ថែមថាចាប់ពីខែមករាដល់ខែតុលាឆ្នាំ២០២១ ការនាំចេញរបស់កម្ពុជាទៅកាន់សហភាពអឺរ៉ុបមានតម្លៃ២៦១៩លានដុល្លារ កើនឡើង១% បើធៀបនឹងរយៈពេលដូចគ្នានៃឆ្នាំមុន។
របាយការណ៍ដដែលបានបន្តថា ទន្ទឹមនឹងនេះ កម្ពុជាបាននាំចូលផលិតផលដែលមានតម្លៃ៨៦៤លានដុល្លារ ពីសហភាពអឺរ៉ុប កើនឡើង៥៤%។
ប្រទេសកម្ពុជាបាននាំចេញផលិតផលកសិកម្មជាចម្បង ជាពិសេសអង្ករអង្កាម វាយនភ័ណ្ឌ និងស្បែកជើង និងកង់ទៅកាន់សហភាពអឺរ៉ុប។ និងនាំចូលពីប្លុកសម្ភារសំណង់ អាហារ និងភេសជ្ជៈ ឱសថ ។ល៕
