ដំណឹងល្អ តម្លៃប្រេងឥន្ធនៈចាប់ពី ថ្ងៃនេះ ដល់ថ្ងៃទី៣១ ខែធ្នូ ធ្លាក់ ចុះ ហើយ

ដោយៈ សុផារី

ភ្នំពេញ៖ តាម ការបង្ហាញបង្ហាញរបស់ក្រសួងពាណិជ្ជកម្ម នៅថ្ងៃនេះបានឲ្យដឹងថា ចាប់ពីថ្ងៃទី១៦ ដល់ថ្ងៃទី៣១ ខែធ្នូ ឆ្នាំ២០២១ ការលក់រាយប្រេងឥន្ធនៈធ្លាក់ថ្លៃ១០០រៀល ក្នុងមួយលីត្រដូចគ្នា។ ក្នុងនោះ ប្រេងសាំងធម្មតាបានធ្លាក់ថ្លៃមកត្រឹម ៤ ១០០រៀល រីឯប្រេងម៉ាស៊ូតតម្លៃ ៣ ៧៥០រៀល នៅក្នុងមួយលីត្រ។

នៅក្នុងសេចក្តីជូនដំណឹង ស្តីពីថ្លៃលក់រាយប្រេងឥន្ធនៈនៅតាមស្ថានីយ ដែលរស្មីកម្ពុជាទទួលបាននៅព្រឹកថ្ងៃទី១៦ ខែធ្នូ នេះ ក្រសួងពាណិជ្ជកម្មបានបញ្ជាក់ថា ផ្អែកតាមតម្លៃប្រេងឆៅនៅលើទីផ្សារអន្តរជាតិ តម្លៃលក់រាយប្រេងឥន្ធនៈក្នុងរយៈពេលដូចគ្នាខាងលើ ត្រូវលក់ ៤ ២១០រៀល ក្នុងមួយលីត្រ សម្រាប់ប្រេងសាំងធម្មតាEA92 និង ៣ ៩១០០រៀល សម្រាប់ប្រេងម៉ាស៊ូត ក្នុងមួយលីត្រ។

សូមបញ្ជាក់ថា ដើម្បីជួយសម្រួល់ដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចនាយករដ្ឋមន្រ្តី បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន ៤សេនដុល្លារ ក្នុងមួយលីត្រ៕