ដោយៈគង់ សិរីជេស៊ីកា
មណ្ឌលគិរីៈ ខេត្តមណ្ឌលគិរី ដែលជាខេត្តមានសក្តានុពល លើវិស័យទេសចរណ៍ជាមួយវាលស្មៅខៀវស្រងាត់ មានរលកភ្នំរពើតរពើងវែងអន្លាយ និងខ្យល់អាកាសត្រជាក់ស្រេប បានទទូលពានរង្វាន់ ឌឺស្អាតសម្រាប់ទីក្រុងតូចពីសហគមន៍សេដ្ឋកិច្ចអាស៊ាន។
កាលពីរសៀលថ្ងៃទី២១ ខែតុលា ឆ្នាំ២០២១ លោកឈឹម កាន អភិបាលរងខេត្ត តំណាងដ៏ខ្ពង់ខ្ពស់របស់ឯកឧត្តមថង សាវុន អភិបាល នៃគណៈអភិបាលខេត្តមណ្ឌលគិរី ដោយមានការអញ្ជើញចូលរួមពីសំណាក់ លោកកែវ សុភ៌គ ប្រធានមន្ទីរបរិស្ថានខេត្ត និងមន្រ្តីពាក់ព័ន្ឋ បានអញ្ជើញចូលរួមក្នុងពិធីប្រគល់ពានរង្វាន់ទីក្រុង និរន្តភាព បរិស្ថាន អាស៊ាន លើកទី៥ តាមរយៈប្រព័ន្ធវីដេអូ និងសំលេង (Zoom)។
ពិធីនេះរៀបចំដោយប្រទេសឥណ្ឌូនេស៊ី ជាសមាជិកនៃសមាគមន៍អាស៊ាន។ ក្នុងពិធីប្រគល់ពានរង្វាន់ទីក្រុង និរន្តភាពបរិស្ថានអាស៊ានលើកទី៥ សម្រាប់ប្រទេសកម្ពុជាយើង បានទទួលពានរង្វាន់ពី សមាជិកនៃសមាគមន៍អាស៊ាន រួមាន ទីក្រុងភ្នំពេញ ខេត្តកែប និងខេត្តមណ្ឌលគិរី (ដីស្អាតសម្រាប់ទីក្រុងតូច)៕ ប្រភព៖ រដ្ឋបាលខេត្តមណ្ឌលគិរី៕