ធនាគារកណ្តាលប្រទេសចិនប្រកាសចាក់បញ្ចូលទុនជាង៣១ពាន់លានដុល្លារ ដល់ស្ថាប័នហិរញ្ញវត្ថុរបស់ខ្លួន

ដោយៈ គៀតឈូ

សៀងហៃៈ ធនាគារកណ្តាលចិនបានចាប់ផ្តើម ផ្តល់ប្រាក់កម្ចីរយៈពេលមធ្យម ស្របពេល ដែលរក្សាអត្រាការប្រាក់ឱ្យនៅដដែល ក្នុងរយៈពេល១៤ខែជាប់ៗគ្នា។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី១៥ ខែមិថុនា ឆ្នាំ២០២១។

ធនាគារប្រជាជនចិន (PBOC) ឬធនាគារកណ្តាលចិនបានឱ្យដឹងថា ខ្លួនកំពុងរក្សាអត្រាលើប្រាក់កម្ចី និងផ្តល់ប្រាក់កម្ចីរយៈពេលមធ្យមដល់មួយឆ្នាំ (MLF) រហូត២០០ពាន់លានយ័ន (៣១,២៧ ពាន់លានដុល្លារ) ដល់ស្ថាប័នហិរញ្ញវត្ថុមួយចំនួន ដែលអត្រាការប្រាក់នៅត្រឹម២.៩៥ភាគរយ ធៀបនឹងប្រតិបត្តិការផ្តល់កម្ចីមុន។

ការចាក់បញ្ចូលមូលនិធិភ្លាមៗ តាមរយៈឧបករណ៍សាច់ប្រាក់ងាយនឹងធ្វើឱ្យមានតុល្យភាពដល់ការផ្តល់ប្រាក់កម្ចីរយៈពេលមធ្យម។

ធនាគារកណ្តាលបានឱ្យដឹងថា ខ្លួនបានចាក់បញ្ចូលទឹកប្រាក់ចំនួន១០ពាន់លានយ័ន ក្នុងរយៈពេល៧ថ្ងៃទៅក្នុងប្រព័ន្ធធនាគារ ក្នុងចំណោមទឹកប្រាក់ប្រមាណ២០ពាន់លានយ័ន៕ (១ដុល្លារ = ៦.៣៩យ័ន)៕