រដ្ឋាភិបាលដាក់ចេញនូវវិធានការបន្ថែមសម្រាប់ជុំទី៥ដើម្បីជំរុញកំណើនសេដ្ឋកិច្ចឡើងវិញ

ដោយៈម៉ាណេត

ភ្នំពេញៈ រដ្ឋាភិបាលសម្រេចដាក់ចេញ នូវវិធានការបន្ថែម សម្រាប់ជុំទី៥ ក្នុងគោលបំណង បន្តជួយស្តារ និងជំរុញលទ្ធភាពអាជីវកម្ម–ធុរកិច្ច ឱ្យងើបឡើងវិញ ដើម្បីចូលរួមជំរុញកំណើនសេដ្ឋកិច្ច នៅក្នុងបរិការណ៍ក្រោយវិបត្តិនៃជំងឺកូវី៥–១៩។ នេះបើយោងតាមសេចក្តីប្រកាសព័ត៌មាន ដែលគេទំព័រCambodiafinancialtimes.comទទួលនៅទី៣១ខែកក្កដាឆ្នាំ២០២០។

យោងតាមសេចក្តីប្រកាសព៌តមានរបស់ក្រសួងសេដ្ឋកិច្ច និងហិរញ្ញវត្ថុដែលបានចេញផ្សាយនាព្រឹកថ្ងៃទី៣១ កក្កដានេះបានឲ្យដឹងថា នៅក្នុងអំឡុងពេលដែលជំងឺកូវីដ –១៩ នៅបន្តមានវត្តមាន និងបង្កនូវផលប៉ះពាល់ ដោយស្ថិតក្នុងស្មារតី បុរសកម្ម គួបផ្សំនឹងកិច្ចសហការ និងការចូលរួមចំណែកយ៉ាងសកម្មពីសំណាក់ប្រជាជន និងវិស័យឯកជន រាជរដ្ឋាភិបាលបានដាក់ចេញនូវវិធានការចំនួន៤ជុំជាបន្តបន្ទាប់ ដើម្បីជួយរក្សាលំនឹងអាជីវកម្ម–ធុរកិច្ចក្នុងវិស័យដែលទទួលរងផលប៉ះពាល់ធ្ងន់ធ្ងរ។

គិតមកដល់ពេលនេះ កម្ពុជាបានសម្រេចនូវលទ្ធផលវិជ្ជមាន គួរជាទីកត់សម្គាល់ ។ ជាក់ស្តែង ប្រជាជនទូទៅ ក៏ដូចជាធុរជន បាននិងកំពុងផ្លាស់ប្តូរទម្លាប់ និងឥរិយាបទសម្រាប់ជីវភាព រស់នៅប្រចាំថ្ងៃ ក្នុងបរិបទនៃជំងឺកូវ៥–១៩ហើយសម្រេចចិត្តធ្វើដំណើរកម្សាន្តជាលក្ខណៈគ្រួសារ នៅតាម បណ្តាខេត្ត–ក្រុងនានានៅទូទាំងប្រទេសនិងចាប់ផ្តើមប្រកបរបរចិញ្ចឹមជីវិតនិងបំពេញសកម្មភាពអាជីវកម្មធុរកិច្ចជាបណ្តើរៗឡើងវិញ។

សេចក្តីប្រកាសព៌តមានដដែលបានបន្តថា ទោះជាយ៉ាងនេះក្តី វិស័យដែលទទួលរងផលប៉ះពាល់ធ្ងន់ធ្ងរ ដែលរួមមាន៖ វិស័យកាត់ដេរ – វាយនភណ្ឌ វិស័យទេសចរណ៍ និងវិស័យអាកាសចរណ៍ ជាដើម នៅតែមិនទាន់អាចងើប និងរក្សាលំនឹងឡើងវិញបានពេញលេញនៅឡើយទេ។ ជាមួយគ្នានេះដែរ គ្រួសា​រក្រីក្រ និងងាយរងគ្រោះមួយ ចំនួនធំក៏កំពុងបន្តប្រឈម នឹងបញ្ហាលំបាកផ្សេងៗក្នុងជីវភាពរស់នៅប្រចាំថ្ងៃ។

ក្នុងបរិការណ៍នេះ ដោយពិនិត្យលើទិដ្ឋភាពនៃការវិវឌ្ឍ នៃស្ថានភាពសេដ្ឋកិច្ច ពា​ណិ​ជ្ជកម្ម និងសង្គម ទាំងក្នុងក្របខ័ណ្ឌសកលលោក តំបន់ និងក្នុងប្រទេស រាជរដ្ឋាភិបាលសម្រេចដាក់ចេញនូវវិធានការបន្ថែម សម្រាប់ជុំទី៥ ក្នុងគោលបំណង (១). បន្តជួយស្តារ និងជំរុញលទ្ធភាពអាជីវកម្ម–ធុរកិច្ច ឱ្យងើបឡើងវិញ ដើម្បីចូលរួមជំរុញកំណើនសេដ្ឋកិច្ចនៅក្នុងបរិការណ៍ក្រោយវិបត្តិនៃជំងឺកូវី៥–១៩ និង (២) បន្តជួយសម្រាល បន្ទុកជីវភាពប្រចាំថ្ងៃរបស់គ្រួសារក្រីក្រ និងងាយរងគ្រោះ តាមរយៈកម្មវិធីឧបត្ថម្ភសាច់ប្រាក់ ។ វិធានការជុំទី ៥ ដែលត្រូវបានរៀបចំឡើង ដោយមានការពិគ្រោះយោបល់ជាមួយគ្រប់អង្គពាក់ព័ន្ធ រួមមាន ទី១ ធានាការបន្តជួយវិស័យកាត់ដើរ– វាយនភណ្ឌ ស្បែកជើង ផលិ​តផលធ្វើដំណើរ កាបូប និងវិស័យ ទេសចរណ៍៕