មន្រ្តីជាន់ខ្ពស់ពិភាក្សាជាមួយមន្រ្តីអង់គ្លេសដើម្បីលើកកំពស់ វិស័យពាណិជ្ជកម្ម និងការវិនិយោគ

ដោយៈ គង់ ម៉ាលីនណា

ភ្នំពេញៈ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូនលោក MARTIN KENT ស្នងការទទួលបន្ទុកកិច្ចការពាណិជ្ជកម្មចក្រភពអង់គ្លេស ប្រចាំតំបន់អាស៊ីប៉ាស៊ីហ្វិក ចូលជួបសម្តែងការគួរសម និងពិភាក្សាការងារអំពីវឌ្ឍនភាព និងការលើកកម្ពស់កិច្ចសហប្រតិបត្តិការទ្វេភាគី ក្នុងវិស័យពាណិជ្ជកម្ម និងវិនិយោគរវាងកម្ពុជា និងចក្រភពអង់គ្លេស។

ភាគីទាំងពីរ បានផ្លាស់ប្ដូរមតិយោបល់ លើការប្រើប្រាស់ប្រព័ន្ធ​អនុគ្រោះ​ពន្ធ ​​សម្រាប់​ប្រទេស​កំពុងអភិវឌ្ឍន៍ ​(DCTS) វឌ្ឍនភាពនៃវេទិកាពាណិជ្ជកម្ម និងវិនិយោគរួមគ្នា និងការចូលរួមរបស់ចក្រភពអង់គ្លេស នៅក្នុងកិច្ចប្រជុំឧត្តមមន្រ្តីសេដ្ឋកិច្ចអាស៊ាន និងកិច្ចប្រជុំពាក់ព័ន្ធជាដើម។