ដោយ: លាងហួរ
ប៉េកាំង: យោងតាមក្រសួងពាណិជ្ជកម្មចិនបានឱ្យដឹងថា លំហូរវិនិយោគផ្ទាល់ពីបរទេស (FDI) ចូលប្រទេសចិន បានកើនឡើង១៥,៦ភាគរយពីមួយឆ្នាំ ទៅមួយឆ្នាំដល់ជាង១៣៨,២១ពាន់លានដុល្លារ ក្នុងរយៈពេល៩ខែដំបូងនៃឆ្នាំ២០២២នេះ។
ប្រសិនជាគិត នៅក្នុងលក្ខខណ្ឌប្រាក់ដុល្លារអាមេរិក លំហូរFDIចូលប្រទេសចិន បានកើនឡើង១៨,៩ភាគរយពីមួយឆ្នាំទៅមួយឆ្នាំ ដល់១៥៥ពាន់លានដុល្លារអាមេរិក។
លំហូរFDI ហូរចូលវិស័យឧស្សាហកម្មសេវាកម្ម បានកើនឡើង៦,៧ភាគរយពីមួយឆ្នាំ ទៅមួយឆ្នាំ ដែលមានទំហំទឹកប្រាក់ដល់៧៤១,៤៣ពាន់លានយ័ន ខណៈដែលលំហូរចូលវិស័យឧស្សាហកម្ម បច្ចេកវិទ្យាជាន់ខ្ពស់បានកើនឡើង៣២,៣ភាគរយធៀបនឹងឆ្នាំមុន។
ជាពិសេស លំហូរFDIចូលការផលិតបច្ចេកវិទ្យាជាន់ខ្ពស់ បានកើនឡើង៤៨,៦ភាគរយ ធៀបនឹងរយៈពេលដូចគ្នាកាលពីឆ្នាំមុន ខណៈដែលនៅក្នុងវិស័យសេវាកម្មបច្ចេកវិទ្យាជាន់ខ្ពស់ បានកើនឡើង២៧,៩ភាគរយពីមួយឆ្នាំទៅមួយឆ្នាំ។
ក្នុងអំឡុងពេលនោះ លំហូរវិនិយោគពីប្រទេសអាល្លឺម៉ង់ សាធារណរដ្ឋកូរ៉េ ជប៉ុន និងចក្រភពអង់គ្លេស បានកើនឡើងចំនួន១១៤,៣ភាគរយ ៩០,៧ភាគរយ ៣៩,៥ភាគរយ និង២២,៣ភាគរយរៀងគ្នា។
លំហូរវិនិយោគផ្ទាល់ពីបរទេស ចូលទៅក្នុងតំបន់កណ្តាលរបស់ប្រទេសចិន មានការកើនឡើង៣៤,៨ភាគរយ ពីមួយឆ្នាំទៅមួយឆ្នាំ តាមពីក្រោយដោយ៣៣ភាគរយ នៅតំបន់ភាគខាងលិច និង១៣,៣ភាគរយនៅតំបន់ភាគខាងកើតនៃប្រទេសចិន៕