លោកស៊ុន ចាន់ថុល លើកឡើងពីការរៀបចំគោលនយោបាយសំរាប់រថយន្តដើរដោយថាមពលអគ្គិសនី

ដោយៈគង់ សិរីជេស៊ីកា

ភ្នំពេញៈ លោកទេសរដ្ឋមន្ត្រីស៊ុន ចាន់ថុលរដ្ឋមន្រ្តីក្រសួងសាធារណៈការនិងដឹកជញ្ជូនបានលើកឡើងពីការរៀបចំគោលនយោបាយ និងការគាំទ្រពេញលេញ សម្រាប់រថយន្តដើរដោយថាមពលអគ្គិសនី (EVs) និងការធានាឱ្យមានហេដ្ឋារចនាសម្ព័ន្ធទាំងមូល សម្រាប់ EVs នៅកម្ពុជា។

លោកបានមានប្រសាសន៍ពីបញ្ហានេះ ក្នុងជំនួបជាមួយលោកស្រី Mariam Sharman នាយិកាធនាគារពិភពលោក ប្រចាំ កម្ពុជា ប្រទេសឡាវ និងមីយ៉ាន់ម៉ាកាលពីល្ងាចថ្ងៃទី១៦ វិច្ឆិកកន្លងមកនេះ។

លោកស៊ុន ចាន់ថុលបន្តថា រដ្ឋាភិបាលបាននិងកំពុងគិតគូជាពិសេសស្ថានីយ៍សាកអាគុយ កន្លែងផ្តល់សេវា គ្រឿងបន្លាស់ បុគ្គលិកទទួល ការបណ្តុះបណ្តាល និងសេវាពាក់ព័ន្ធផ្សេងទៀត ដើម្បីទាក់ទាញចំណាប់អារម្មណ៍ប្រជាពលរដ្ឋកម្ពុជា ឱ្យមកពិចារណាលើរថយន្តដើរដោយថាមពលកកើតឡើងវិញ ជំនួសឱ្យរថយន្តដើរដោយឥន្ធនៈ។

ជាមួយគ្នានេះ បានស្នើឱ្យធនាគារពិភពលោក ពិនិត្យលើជំនួយបច្ចេកទេសលើគម្រោងមួយ ចំនួនរួមមាន ការកសាងសមត្ថភាពមន្ត្រីក្រសួងសាធារណការ និងដឹកជញ្ជូន កិច្ចសហប្រតិបត្តិការជាមួយរវាងធនាគារពិភពលោក និងក្រសួងលើការសិក្សាដល់ទីកន្លែង ដើម្បីកំណត់ទំហំថវិកាឱ្យបាន ជាក់លាក់សំដៅសាងសង់ផ្លូវឱ្យបានរឹងមាំ និងផែនការមេទាក់ទងទឹកកខ្វក់ទូទាំងប្រទេស និងបានស្នើឱ្យធនាគារពិភពលោក បញ្ជូនអ្នកជំនាញការរបស់ខ្លួន មកសិក្សាឱ្យបានច្បាស់លាស់ ដើម្បីឈានទៅ បង្កើតផែនការមេចម្រោះទឹកកខ្វក់នេះ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ជាមួយគ្នានោះផងដែរ លោកស្រីនាយិកា បានថ្លែងការកោតសរសើរដល់ក្រសួង ដែលបានសហការល្អ ជាមួយធនាគារពិភពលោកទាក់ទង នឹងទាក់ទងនឹងការអនុវត្តគម្រោង RAMP II ដែលរួមមាន គម្រោងធ្វើឱ្យប្រសើរឡើងផ្លូវជាតិលេខ៣ គម្រោងធ្វើឱ្យប្រសើរឡើងផ្លូវជាតិលេខ៤ និងផ្លូវជាតិលេខ៧ និងបានលើកឡើងផងដែរទាក់ទងនឹងការគ្រប់គ្រងទឹកកខ្វក់ ការដឹកជញ្ជូនបៃតងដោយប្រើថាមពលក កើតឡើងវិញនៅទីក្រុងសៀមរាប ច្រករបៀងសេដ្ឋកិច្ចសំខាន់ៗ និងការតភ្ជាប់តំបន់ផងដែរ៕

LEAVE A REPLY

Please enter your comment!
Please enter your name here