សិង្ហបុរីវ៉ាដាច់ទីក្រុងហុងកុងក្លាយជាមជ្ឈមណ្ឌលហិរញ្ញវត្ថុកំពូលនៅអាស៊ី

ដោយ:លាងហួរ

ហុងកុង: ប្រទេសសិង្ហបុរី បានវ៉ាដាច់ទីក្រុងហុងកុង ក្លាយជាមជ្ឈ​មណ្ឌលហិរញ្ញវត្ថុកំពូលរបស់អាស៊ី និងទី៣ក្នុងពិភពលោក។ នេះបើយោង តាមរបាយការណ៍ថ្មីមួយ ដែលដាក់ទីក្រុងញូវយ៉ក និងទីក្រុងឡុងដ៍ក្នុងចំណាត់ថ្នាក់ទីមួយ និងទីពីរ។

ទីក្រុងហុងកុង បានធ្លាក់ទៅចំណាត់ថ្នាក់ទី៤ ខណៈទីក្រុងនេះរងការវាយលុកយ៉ាងខ្លាំង ពីជំងឺរាតត្បាតកូវីដ១៩និងការចំណាកស្រុក។

ទីក្រុងហុងកុងកំពុងព្យាយាមស្តារឡើងវិញ នូវតួនាទីរបស់ខ្លួនជាមជ្ឈ​មណ្ឌលហិរញ្ញវត្ថុសកល ខណៈដែលទីក្រុងនេះ នៅតែបន្តដើរតាមការដឹក​នាំរបស់ប្រទេសចិន ក្នុងការរក្សាករណីកូវីដឱ្យនៅកម្រិតអប្បបរមា ខណៈដែលពិភពលោកផ្សេងទៀតបើកចំហ ហើយភាពមិនប្រាកដប្រជា ជុំវិញការបន្ធូរបន្ថយច្បាប់ ដាក់ឱ្យនៅដាច់ដោយឡែកបាននាំឱ្យចំនួន អ្នកចូលទស្ស​នា ទីក្រុងហុងកុងធ្លាក់ចុះ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ម្យ៉ាងវិញទៀត សិង្ហបុរីរំពឹងថា នឹងមានអ្នកទស្សនាច្រើនជាង៤លាននាក់ក្នុងឆ្នាំ ២០២២។ ព្រឹត្តិការណ៍សំខាន់ៗជាច្រើន រួមមាន កិច្ចប្រជុំកំពូលអាស៊ីរបស់វិទ្យាស្ថានមីលខេន សន្និសីទនាយកប្រតិបត្តិសកលរបស់ទស្សនាវដ្ដី Forbes និងកម្មវិធី Singapore Grand Prix នឹងជួយលើកកំពស់មុខមាត់ទីក្រុងជាគោលដៅទេសចរណ៍។

ទីក្រុងរបស់ប្រទេសចិនដូចជា សៀងហៃ ប៉េកាំង និង ស៊ិនជិនទាំងអស់ បានរក្សាចំណាត់ថ្នាក់របស់ខ្លួន ក្នុងតារាងកំពូលទាំង១០របស់ GFCI បើទោះបីជាមានវិធានការទប់ស្កាត់កូវីដយ៉ាងធ្ងន់ធ្ងរក៏ដោយ៕

LEAVE A REPLY

Please enter your comment!
Please enter your name here