តម្រូវការខ្ពស់នៃលំនៅឋានប្រណិតនិងមធ្យមជំរុញការលក់អចលនទ្រព្យថៃមានសន្ទុះគួរឱ្យចាប់អារម្មណ៍

ដោយ: លាងហួរ

ថៃ: ក្រុមហ៊ុនអចលទ្រព្យថៃ សែនសិរិ (Sansiri) រកចំណូលបានពីការកក់ទុកមុនរយៈពេល៩ខែចំនួន៣០,៥ពាន់លានបាត (ប្រហែល៨៣៨លានដុល្លារអាមេរិក) ដែលអត្រានេះស្មើនឹង៨៧ភាគរយនៃគោលដៅសរុបនៅចុងឆ្នាំ២០២២ ដែលមានចំនួន៣៥ពាន់លានបាត។

ប្រធាន និងជានាយកប្រតិបត្តិក្រុមហ៊ុនអចលទ្រព្យសែនសិរិ លោកSrettha Thavisin បាននិយាយថា ប្រភេទអចលទ្រព្យផ្ទះទាបៗទទួលបានការកក់ទុកច្រើនជាងគេ ដែលមានចំនួនរហូតដល់ទៅ២៣,៥ពាន់លានបាត ស្មើនឹង៧៧ភាគរយនៃប្រាក់ចំណូលពីការកក់ទុកសរុប។

លោកបានបន្តថា ដោយសារតែកំណើននៃតម្រូវការផ្ទះទាបៗ យើងបានកែប្រែគោលដៅកក់មុននៃផ្ទះទាបៗដល់២៧ពាន់លានបាត ពីគោលដៅ២៤ពាន់លានបាត ដែលយើងបានកំណត់នៅដើមឆ្នាំនេះ ។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

លោកបន្តទៀតថា កត្តាជំរុញដ៏សំខាន់មួយគឺ គម្រោងផ្ទះទោលប្រណិត ដែលមានតម្លៃ៦ពាន់លានបាត មាន៨៦យូនីតដែលមានតម្លៃសរុបចន្លោះពី៥០ទៅ១០០លានបាត ត្រូវលក់អស់ក្នុងរយៈពេលត្រឹមតែមួយខែប៉ុណ្ណោះ។

ក្រុមហ៊ុនសែនសិរិ បានបំបែកកំណត់ត្រានៃការលក់គម្រោងប្រណិតៗ ដែលបានបិទការលក់លឿនបំផុតក្នុងប្រវត្តិសាស្ត្រ ក្នុងរយៈពេលត្រឹមតែមួយខែ ហើយបានបង្កើតប្រវត្តិសាស្ត្រថា ជាការលក់ដាច់បំផុតរបស់ប្រទេសថៃ និងលក់អស់ជាមួយនឹងការលក់សរុបចំនួន៦ពាន់លានបាត៕

LEAVE A REPLY

Please enter your comment!
Please enter your name here