Shop House កំពុងពេញនិយមខ្លាំងក្នុងចំណោមអ្នកទិញអចល នទ្រព្យនៅសិង្ហបុរី

ដោយៈ សុខុម

       សិង្ហបុរី: បើក្រឡេកមើលទៅប្រទេសសិង្ហបុរី គឺឃើញថាសម្បូរទៅដោយអគារខ្ពស់ៗ មិនថាអគារការិយាល័យ សណ្ឋាគារ ឬអគារលំនៅដ្ឋាន ហើយមិនសូវឃើញមានផ្ទះអាជីវកម្ម ឬ Shop House ដែលមានកម្ពស់ទាបៗប៉ុន្មានឡើយ។

ទោះជាយ៉ាងណា ពេលនេះផ្ទះអាជីវកម្ម ឬ Shop House នៅក្នុងប្រទេសនេះ កំពុងទទួលបានការពេញនិយមយ៉ាងខ្លាំង ក្នុងចំណោមអ្នកទិញអចលនទ្រព្យ ព្រោះវាអាចបើករកស៊ីបាន ហើយពេលលក់ចេញងាយស្រួល និងបានតម្លៃខ្ពស់។ នេះបើយោងតាមសារព័ត៌មាន CNA ចុះផ្សាយកាលពីថ្ងៃពុធ ទី១០ ខែសីហា។

តួយ៉ាង ផ្ទះអាជីវកម្មចំនួន២ ដែលស្ថិតនៅតាមបណ្តោយវិថី Jalan Besar ក្នុងប្រទេសសិង្ហបុរី ត្រូវបានដាក់លក់ក្នុងតម្លៃខ្ពស់ រហូតដល់ទៅ១៧,៥លានដុល្លារសិង្ហបុរី (១២,៨លានដុល្លារអាមេរិក)។

ក្រុមអ្នកវិភាគអចលនទ្រព្យលើកឡើងថា ផ្ទះអាជីវកម្មកំពុងពេញនិយមកាន់តែខ្លាំងឡើងៗ ក្នុងចំណោមមូលនិធិអាជីវកម្ម ជាលក្ខណៈគ្រួសារ និងបុគ្គលដែលមានទ្រព្យសម្បត្តិច្រើន។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ផ្អែកតាមតួលេខបង្ហាញថា ក្នុងរយៈពេល៧ខែដើមឆ្នាំ២០២២ នេះ ផ្ទះអាជីវកម្មចំនួន១២៨ ត្រូវបានទិញលក់ប្ដូរម្ចាស់ថ្មី បើធៀបនឹងផ្ទះអាជីវកម្មចំនួន១៥៥ ដែលលក់បានក្នុងរយៈពេលដូចគ្នាក្នុងឆ្នាំ២០២១។

ទោះជាយ៉ាងណា ផ្ទះអាជីវកម្មចំនួន១២៨ ដែលលក់បានក្នុងឆ្នាំ២០២២នេះ មានតម្លៃសរុបរហូតដល់ ទៅ១,០៧ពាន់លានដុល្លារសិង្ហបុរី (៧៨២លានដុល្លារអាមេរិក) បើធៀបនឹងផ្ទះអាជីវកម្មចំនួន១៥៥ ដែលលក់បានក្នុងឆ្នាំ២០១១ មានតម្លៃសរុបទាបជាងត្រឹមតែ១,០៥ពាន់លានដុល្លារសិង្ហបុរី៕ CNA៕

LEAVE A REPLY

Please enter your comment!
Please enter your name here