មហាយក្សចិន ចាប់ផ្ដើមសាងសង់គម្រោងបញ្ជូនទឹកពីអាងស្តុក Three Gorges Reservoir ទៅកាន់ទន្លេ Yangtze

ដោយសុខុម

រដ្ឋាភិបាលក្រុងប៉េកាំង កាលពីថ្ងៃព្រហស្បតិ៍ សប្ដាហ៍មុន បានចាប់ផ្ដើមគម្រោងសាងសង់គម្រោងមួយដែលតភ្ជាប់គម្រោងបញ្ជូនទឹកដ៏ធំពីររបស់ប្រទេសចិន ហើយនេះជាចំណាត់ការថ្មីដើម្បីបញ្ជូនទឹកបន្ថែមទៀតទៅកាន់ភាគខាងជើងនៃប្រទេសដែលរីងស្ងួត និងដើម្បីកែលម្អបណ្តាញទឹកទូទាំងប្រទេស។

យោងតាមទីភ្នាក់ងារប័ត៌មាន Xinhua ចុះផ្សាយកាលពីសៅរ៍ ទី៩ ខែកក្កដា ឱ្យដឹងថា គម្រោងនេះតភ្ជាប់រវាងគម្រោងអាងស្តុកទឹក Three Gorges Reservoir និងគម្រោងបញ្ជូនទឹកពីភាគខាងត្បូង ឆ្ពោះទៅភាគខាងជើងនៃប្រទេស (South-to-North Water Diversion Project)។

គម្រោងថ្មីនេះនឹងបញ្ជូនទឹកពីតំបន់អាងស្តុកទឹក Three Gorges Reservoir ឆ្ពោះទៅកាន់ទន្លេ Hanjiang ដែលជាដៃទន្លេ Yangtze។

គម្រោងនេះគ្រោងនឹងបញ្ចប់ការសាងសង់ក្នុងរយៈពេល៩ឆ្នាំ។ នៅពេលការសាងសង់បញ្ចប់ជាស្ថាពរ វានឹងបង្កើនបរិមាណទឹកដែលបញ្ជូនពីផ្លូវកណ្តាល នៃគម្រោងបញ្ជូនទឹកទៅកាន់ភាគខាងជើងនៃប្រទេសចិន។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

ផ្លូវកណ្តាលចាប់ផ្តើមពីចំណុចអាងស្តុកទឹក Danjiangkou Reservoir តាមដងទន្លេ Hanjiang នៅភាគកណ្ដាលប្រទេសចិន ហើយរត់ទៅភាគឦសានឆ្ពោះទៅកាន់ទីក្រុងប៉េកាំង និងក្រុង Tianjin។

ទោះជាយ៉ាងណា គ្មានការបញ្ជាក់ពីទំហំទុនវិនិយោគសម្រាប់គម្រោងខ្នាតយក្សនេះឡើយ៕

LEAVE A REPLY

Please enter your comment!
Please enter your name here