ដំណឹងល្អៈរដ្ឋាភិបាលកម្ពុជាគ្រោងតភ្ជាប់ផ្លូវដែកជាមួយប្រទេសឡាវ

ដោយ: លាងហួរ

ភ្នំពេញ: សមាជិកនៃសមាគមភស្តុភារកម្ពុជា(CLA) បានបំពេញទស្សនកិច្ច ទៅប្រទេសឡាវចាប់ពីថ្ងៃទី២១ដល់ថ្ងៃទី ២៣ ខែមិថុនា ដើម្បី ផ្តួចផ្តើ​មគំនិត នៃការបង្កើតផ្លូវរថភ្លើងតភ្ជាប់ពីប្រទេសកម្ពុជា ជាមួយប្រទេ​សឡាវ ដើម្បីសន្សំសំចៃពេលវេលានិងថ្លៃដឹកជញ្ជូន។

យោងតាមសារព័ត៌មានThe Starបានរាយការណ៍ថា ក្រុមការងារនេះត្រូវបានចូលរួមដោយតំណាង នៃផ្នែកភស្តុភារវៀតណាម និងឡាវ ក្នុងដំណើរឆ្ពោះទៅកាន់គោលដៅចម្បងចំនួនបី រួមជាមួយនឹងកិច្ចប្រជុំដើម្បីពិភាក្សាអំពីគម្រោងច្រករបៀងភាគខាងត្បូង នៃគម្រោងផ្លូវដែកអន្តរអាស៊ី (TAR) និងការផ្តួចផ្តើមស្រដៀងគ្នាផ្សេងទៀត ដើម្បីភ្ជាប់ប្រទេសចិនជាមួយបណ្តាប្រទេសតាមតំបន់មេគង្គ។

គោលដៅចម្បងសំខាន់ៗចំនួនបីនោះ រួមមាន ទី១ គឺផ្លូវដែកឡាវ-ចិន ដែលរត់ពីទីក្រុងវៀងច័ន្ទ ទៅកាន់ទីក្រុងគុនមីងក្នុងប្រទេសចិន។ ទី២ ឧទ្យានភ័ស្តុភារទីក្រុងវៀងចន្ទន៍ (VLP) 382ha ដែលជាផ្នែកសំខាន់នៃផែនការមហិច្ឆិតារបស់ប្រទេសឡាវ ដើម្បីយកឈ្នះលើស្ថានភាពលំបាកដែលគ្មានផ្លូវគោករបស់ខ្លួន គោលដៅទី៣គឺទីតាំងមួយ នៅព្រំដែនឡាវ ជាមួយ ប្រទេស វៀតណាម។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

មុនពេលចេញដំណើរទៅប្រទេសឡាវ នៅល្ងាចថ្ងៃទី ២១ ខែមិថុនាលោក ស៊ិន ចន្ធី ប្រធានសមាគមដឹកជញ្ជូនកម្ពុជាបានប្រាប់អ្នកសារព័ត៌មានថា ក្រុមការងាររបស់លោក នឹងស្វះស្វែងរៀនសូត្រពីបទពិសោធន៍ជុំវិញផ្លូវដែកដ៏មានសក្តានុពល ពីទស្សនៈផ្នែកភស្តុភារ និងប្រមូលព័ត៌មាន និងព័ត៌មានលម្អិតពាក់ព័ន្ធ។

លោក គង់ វិមានអ្នកនាំពាក្យក្រសួងការងារ និងដឹកជញ្ជូនបានប្រាប់ឲ្យសារព៌តមានដឹងផងដែរថា ក្រសួងរបស់លោក នឹងសហការជាមួយក្រុមហ៊ុនចិននាពេលបច្ចុប្បន្ន ដើម្បីខិតខំស្វែងរកផ្លូវដែលមានសក្តានុពលសម្រាប់សាងសង់ផ្លូវរថភ្លើង តភ្ជាប់ពីកម្ពុជាទៅកាន់ប្រទេសឡាវនាពេលខាងមុខ៕

LEAVE A REPLY

Please enter your comment!
Please enter your name here