ខុនដូជិត៤០,០០០យូនីតបានដាក់ចូលទីផ្សារ ស្របពេលការលក់ប្រសើរឡើង

ដោយៈ គង់ ម៉ាលីនណា

ភ្នំពេញៈ ចំនួនយូនីត​ខុនដូ​ក្នុង​រាជធានី​-​ភ្នំពេញ កើន​ដល់៣៣ ៨០០ ​យូនីត ខណៈ​តម្លៃ​ជួល និង​លក់​របស់​ខុនដូ​ប្រណីត​ (High-End)បាននិងកំពុងមានសញ្ញាប្រសើរឡើងវិញបណ្តើរៗ ។

យោងតាមរបាយការណ៍​ស្រាវជ្រាវ ​ពី​ក្រុមហ៊ុន​អចលនទ្រព្យ CBRE Cambodia ​បាន​បង្ហាញឲ្យដឹងកាលពី​ត្រីមាស​ទី​១ ឆ្នាំ​ ២០២២ មាន​គម្រោង​ខុនដូ​ចំនួន​៣ បានបញ្ចប់​ការសាងសង់​ ដែល​គម្រោង​ទាំង​៣នេះ​មាន​បន្ទប់​ស្នាក់នៅ​សរុប៧០០​យូនីត​។ ទោះយ៉ាងណា​ក្នុងអំឡុងពេល​ខាងលើ​មិនមាន​គម្រោង​ថ្មី​ណាមួយ ​ប្រកាស​ចាប់ផ្តើម​បើក​លក់ ឬ​សាងសង់​ឡើយ​។

របាយការណ៍ដដែលបានបង្ហាញថា ឥទ្ធិពល​នៃ​ការឆ្លង​រាលដាល​ជំងឺ​កូវីដ​ ១៩ ដែល​ជំរុញ​ឱ្យ​ប្រទេស​ទាំងអស់ ​លើ​ពិភពលោក​ធ្វើការ​រឹតបន្តឹង​លើ​ការធ្វើដំណើរ​ឆ្លង​ប្រទេស ​បានធ្វើ​ឱ្យមាន​ផលប៉ះពាល់​យ៉ាងដំណំ ​ដល់ទី​ផ្សារ​ខុនដូ​នៅ​កម្ពុជា ពិសេស​ខុនដូ​ដែលមាន​ទីផ្សារ​ គោលដៅ​ជា​អតិថិជន​ជនបរទេស​។

តាម​ការព្យាករ​ក្នុង​ឆ្នាំ​២០២២ នេះ​នឹងមាន​បន្ទប់​ខុនដូ​ជាង១៣ ០០០ ​យូនីត​នឹងត្រូវ​បញ្ចប់​ការសាងសង់​។
អ្នកនាង គឹម គិនកេសា នាយិកា​ផ្នែក​ស្រាវជ្រាវ និង​ប្រឹក្សា​យោបល់​នៃ​ក្រុមហ៊ុន CBRE Cambodia បាន​មានប្រសាសន៍ឲ្យដឹងថា ទោះបី​ពេលនេះ​កម្ពុជា និង​ប្រទេស​ក្នុង​តំបន់​ បានប្រកាស​បើក​ប្រទេស​ឡើងវិញ​ស្ទើរ ១០០ ​ភាគរ​ភាគរយ​ហើយក៏​ដោយ ក៏​តម្លៃ​ខុនដូ​មិនទាន់​អាច​ស្ទុះ​ងើបឡើង​វិញ​បាន​ភ្លាមៗ​ទេ​។ តម្លៃ​អាច​នឹងមាន​ភាពល្អប្រសើរ​ឡើងវិញ​ខ្លះ ​ចាប់ពី​ដើមឆ្នាំ​២០២៣តទៅ​។

ចុចទីនេះដើម្បី Subscribe Telegram Channel «Cambodia Financial Times» សម្រាប់ទទួលបានព័ត៌មានថ្មីៗ

អ្នកនាង​បន្តទៀតថា សម្រាប់​ចំនួន​គម្រោង​ ដែល​ប្រកាស​បើក​លក់​នឹង​មិនសូវមាន​ទេ​ក្នុង​ឆ្នាំ​២០២២ នេះ​។
ជាមួយគ្នានេះ លោកខន គង្គាអគ្គនាយកក្រុមហ៊ុន ERA Cambodiaបានលើកឡើងថា ដោយសារវិបត្តិបានធ្វើឲ្យអ្នកសាងសង់ខុនដូ បានធ្វើពិពិធម្មទីផ្សារ ដោយពួកគាត់ងាកមកផ្តោតលើអតិថិជនក្នុងស្រុក ដែលប្រជាពលរដ្ឋកម្ពុជាកាន់តែច្រើនបានចាប់អារម្មណ៍ និងទិញខុនដូសម្រាប់ស្នាក់នៅ។

លោកបន្តថា “ការលក់ខុនដូបាន និងកំពុងមានភាពប្រសើរឡើងវិញ ប៉ុន្តែតម្រូវការភាគច្រើន គឺខុនដូដែលមានតម្លៃមធ្យម”៕

LEAVE A REPLY

Please enter your comment!
Please enter your name here