ដោយៈលក្ខិណា
ភ្នំពេញៈ នៅក្នុងរយៈពេលប៉ុន្មានឆ្នាំចុងក្រោយនេះ វិស័យធនាគារត្រូវបានអភិវឌ្ឍន៍ទៅតាមបច្ចេកវិទ្យាកាន់តែទំនើបទៅៗ ដោយបានដាក់ដំណើរការនូវបច្ចេកវិទ្យាថ្មីៗ រហ័សនិងងាយស្រួលសម្រាប់អ្នកប្រើប្រាស់។
លោកស្រីសុខ សោភា នាយិកាប្រតិបត្តិទីផ្សារធនាគារអេស៊ីលីដាបានឱ្យដឹងថា ពីមុនពេលអតិថិជន មកបើកគណនីធនាគារ តម្រូវឱ្យស្នើសុំប័ណ្ណអេធីអឹម ពីបុគ្គលិកនិងរង់ចាំរយៈពេលពីរបីថ្ងៃ ទើបទទួលបានកាតទៅប្រើប្រាស់ តែនៅពេលដែលធនាគារដាក់ដំណើរការម៉ាស៊ីន ដែលអាចឱ្យអតិថិជនស្នើធ្វើប័ណ្ណដោយខ្លួនឯង អតិថិជនមិនចាំបាច់ស្នើសុំពីធនាគារទៀតនោះទេ គឺពួគកាត់អាចស្នើធ្វើប័ណ្ណអេធីអឹមបានភ្លាមៗ នៅតាមម៉ាស៊ីនបោះពុម្ពប័ណ្ណនោះ (VTM) ហើយក៏អាចយកទៅប្រើប្រាស់បានភ្លាមៗ តាមតម្រូវការផងដែរ។
លោកស្រីបន្ថែមថា ម៉ាស៊ីន VTM ( Virtual Teller Machine ) គឺជាម៉ាស៊ីនស្វ័យប្រវត្តិ ដែលធ្វើឱ្យអតិថិជនកាន់តែងាយស្រួល ស្នើប័ណ្ណ បានដោយខ្លួនឯង ។ អតិថិជនអាចធ្វើប្រតិបត្តិការផ្សេងៗបានភ្លាមៗ បន្ទាប់ពីទទួលប័ណ្ណ ។
ជាការកត់សម្គាល់ បណ្ដាធនាគារនៅក្នុងប្រទេសកម្ពុជា នៅក្នុងប៉ុន្មានឆ្នាំចុងក្រោយនេះ ធនាគារនិងមីក្រូហិរញ្ញវត្ថុ មានការប្រកួតប្រជែង ក្នុងការផ្ដល់សេវាដោយបង្កើតនូវភាពងាយស្រួលដល់អ្នកប្រើប្រាស់ជាពិសេស គឺបច្ចេកវិទ្យាក្នុងវិស័យហិរញ្ញវត្ថុ ដែលជាចំណែកមួយ នៅក្នុងយុទ្ធសាស្ត្រសេដ្ឋកិច្ចឌីជីថលរបស់រាជរដ្ឋាភិបាលកម្ពុជា៕
