ដោយៈម៉ាណេត
ភ្នំពេញៈ ក្រុមហ៊ុន 7-Eleven ដែលជាក្រុមហ៊ុនលក់រាយធំជាងគេបំផុត នៅលើពិភពលោក បានចុះហត្ថលេខាលើកិច្ចព្រមព្រៀង សិទ្ធិផ្តាច់មុខជាមួយក្រុមហ៊ុន CP ALL (Cambodia) Co., Ltd ។
ដោយអនុលោមតាមកិច្ចសន្យានោះក្រុមហ៊ុន CP ALL គឺជាម្ចាស់សិទ្ធិផ្តាច់មុខតែមួយគត់ ដែលត្រូវបានអនុញ្ញាតឱ្យធ្វើអាជីវកម្ម សិទ្ធិបើកដំណើរការ និងបើកហាង 7-Eleven នៅក្នុងប្រទេសកម្ពុជា។
កាលពីពេលថ្មីៗនេះក្រុមហ៊ុន 7-Eleven, Inc បានទទួលរបាយការណ៍នៅថ្ងៃទី២២ខែកក្កដា ឆ្នាំ២០២០នេះថា ភាគីដែលគ្មានការអនុញ្ញាតពីក្រុមហ៊ុន 7-Evelen បានអះអាងថា ខ្លួនជាម្ចាស់សិទ្ធិផ្តាច់មុខរបស់យីហោ 7-Eleven នៅក្នុងតំបន់កម្ពុជា។ ក្រុមហ៊ុន 7-Eleven, Inc ថា “ក្រុមហ៊ុន CP ALL (Cambodia) Co., Ltd. គឺជាម្ចាស់សិទ្ធិផ្តាច់មុខតែមួយគត់របស់យីហោ 7-Eleven នៅក្នុងទីផ្សារប្រទេសកម្ពុជា។
បើនិយាយអំពីលក្ខខណ្ឌអាជីវកម្ម ការរៀបចំសិទ្ធិផ្តាច់មុខបង្កើតឡើង រវាងទំនាក់ទំនងអ្នកផ្តល់សិទ្ធិផ្តាច់មុខ និងអ្នកទទួលសិទ្ធផ្តាច់មុខ ហើយបន្ទាប់មកអ្នកទទួលបានសិទ្ធផ្តាច់មុខ នឹងក្លាយជាម្ចាស់សិទ្ធិផ្តាច់មុខ សម្រាប់ទឹកដីឬតំបន់ជាក់លាក់មួយ។
នៅក្នុងតំបន់ដែលបានកំណត់អ្នកផ្តល់សិទ្ធិផ្តាច់មុខ អ្នកទទួលបានសិទ្ធផ្តាច់មុខ ជ្រើសរើសបុគ្គលិក ហ្វឹកហ្វឺនការងារបុគ្គលោក និងផ្តល់ការគាំទ្រជាបន្តដល់អនុសាខា ដែលតំបន់ខ្លួនទទួលបានសិទ្ធិផ្តាច់មុខ។
ហាង 7-Eleven ដំបូងនៅភ្នំពេញគ្រោងនឹងបើកនៅឆ្នាំ ២០២១ ៕
