ដោយ៖ ម៉ាណេត
ភ្នំពេញ៖ សមតុល្យឥណទានលក្ខណៈបុគ្គល ក៏បានបន្តកើនឡើងជាលំដាប់ក្នុងកម្រិត +៧,១៧% គិតត្រឹមពីខែធ្នូ ឆ្នាំ២០២០ ខណៈសមតុល្យឥណទានលក្ខណៈបុគ្គលចំនួន៩,៧៦ពាន់លានដុល្លារ គិតត្រឹមត្រីមាសទី៤ ឆ្នាំ២០២។ នេះបើយោងតាមការរបាយការណ៍របស់ក្រុមហ៊ុនក្រេឌីត ប្យួរ៉ូ ខេមបូឌា ខូ អិលធីឌី (CBC) ចេញផ្សាយកាលពីសប្តាហ៍មុន។
របាយការណ៍បានឱ្យដឹងថា កម្ចីអចលនទ្រព្យមានលើសពីពាក់កណ្តាលនៃសមតុល្យឥណទានលក្ខណៈបុគ្គលសរុប ៥២,០០% ចំណែកឯ សមតុល្យឥណទានហិរញ្ញវត្ថុផ្ទាល់ខ្លួនមានចំណែក ៤៧,៤០% ។
បើទោះបីជា ចំនួនគណនីនៃកម្ចីអចលនទ្រព្យមានចំនួនត្រឹម ១០,៧៦% នៃចំនួនគណនីសរុប, ក៏ប៉ុន្តែចំនួននេះមានទំហំច្រើនជាងពាក់កណ្តាលនៃសមតុល្យឥណទានសរុប។
សមតុល្យប័ណ្ណឥណទានមានចំណែកតូចគឺត្រឹមតែ ០,៦១% ប៉ុណ្ណោះ។ និយាយជារួម កំណើនវិជ្ជមានមាននៅគ្រប់តំបន់ទាំងអស់ដូចជា តំបន់ទំនាប +៧,៧% តំបន់ខ្ពង់រាប +៧,៣% តំបន់ឆ្នេរ +៦,៦% និង តំបន់ទន្លេសាប +៤,៨% ។
លោក អឿ សុធារ័ត្ន ប្រធាននាយកប្រតិបត្តិនៃក្រុមហ៊ុនក្រេឌីត ប្យួរ៉ូ ខេមបូឌា ខូ អិលធីឌីមានប្រសាសន៍ថា នៅក្នុងត្រីមាសទាំងពីរចុងក្រោយនេះទីផ្សារឥណទានមានភាពវិជ្ជមាន។
លោកបានថ្លែងបន្តថា ទោះបីជាមានការកើនឡើងនៃពាក្យស្នើសុំឥណទានលក្ខណៈបុគ្គល និងដំណើរការឥណទានលក្ខណៈបុគ្គល អនុបាទនៃគណនីប្រាក់កម្ចីជាមួយនឹងការសងយឺត៣០ថ្ងៃ ហួសកាលបរិច្ឆេទកំណត់នៅត្រឹមនៅគ្រប់តំបន់ទាំងអស់នៃព្រះរាជាណាចក្រកម្ពុជា៕
