ដោយគង់ ម៉ាលីនណា
ភ្នំពេញៈ ការបើកអាជីវកម្មអ្វីមួយ ដូចជាមិនពិបាកពេកទេ ប៉ុន្តែដើម្បីទទួលបានជោគជ័យ និងជោគជ័យដោយនិរន្តរភាពទើបជារឿងពិបាក ហេតុនេះសហគ្រិនត្រូវគិតនិងតមលើបញ្ហាអ្វីខ្លះ ដើម្បីបញ្ចៀសហានិភ័យ?។
គេហទំព័រ Cambodiafinancialrtimes.com សូមលើកយកបញ្ហា និងតំណមមួយចំនូន ដែលអ្នកបើកអាជីវកម្មថ្មីៗគួរស្វែងយល់ ដូចជា ទី១ ប្រញាប់នាំផលិតផល/សេវាកម្មចូលទីផ្សារ ឬសម្រេចបើកអាជីវកម្មភ្លាមៗ ដោយមិនឆ្លងកាត់ការស្រាវជ្រាវទីផ្សារ ទី២ ចាប់ផ្តើមអាជីវកម្ម ដោយមិនមានផែនការអាជីវកម្ម និងផែនការថវិកាច្បាស់លាស់ត្រឹមត្រូវ ទី៣ កញ្ចប់ថវិកាសម្រាប់ប្រតិបត្តិការ និងដើមទុនបម្រុងមិនគ្រប់គ្រាន់។
ទី៣ មិនបានរៀបប្រព័ន្ធគាំទ្រ (Supporting System) បានល្អត្រឹមត្រូវ។ ប្រព័ន្ធគាំទ្ររួមមាន អ្នកផ្តល់យោបល់លើកទឹកចិត្តពេលយើងបាក់ទឹកចិត្ត អ្នកជួយផ្នែកច្បាប់ អ្នកផ្តល់ប្រឹក្សានិងផ្តល់ប្រាក់កម្ចីពេលត្រូវការហិរញ្ញវត្ថុ ជាដើម។ (អត្ថបទបន្ទាប់ នឹងបកស្រាយលម្អិតអំពីរបៀបកសាងប្រព័ន្ធគាំទ្រ) ទី៤ ជ្រើសរើសដៃគូសហការ ឬអ្នករួមទុន មិនបានត្រឹមត្រូវ ទី៥ ខ្វះចំណេះផ្នែក ហិរញ្ញវត្ថុ និងបច្ចេកវិទ្យា ប៉ុន្តែមិនបានលៃលកពេលរៀនសូត្របន្ថែម និងចំណុចទី៦ គឺប្រើប្រាស់មធ្យោបាយ ផ្សព្វផ្សាយផលិតផល និងសេវាកម្ម មិនល្អ និងមិនត្រឹមត្រូវ៕
