ដោយៈ សាវុធ
ភ្នំពេញៈ រាល់មូលបត្រទាំងអស់ ដែលបានចុះបញ្ជីនៅផ្សារមូលបត្រកម្ពុជា (ផ.ម.ក.) ត្រូវបានរក្សាទុកក្នុងទម្រង់អេឡិចត្រូនិច នៅប្រតិបត្តិកររក្សារទុកមូលបត្ររបស់ផ.ម.ក. ដែលនៅទីនោះ សន្តិសុខសុវត្ថិភាពនៃព័ត៌មានត្រូវបានធានាយ៉ាងខ្ពស់។
វាស្រដៀងគ្នាទៅនឹងការផ្ញើប្រាក់របស់លោក អ្នកនៅធនាគារដែរ ដែលនៅទីនោះ ព័ត៌មានអំពីកម្មសិទ្ធិ ប្រាក់របស់លោកអ្នកត្រូវបានរក្សាទុកប្រកប ដោយសុវត្ថិភាព។ លើកលែងម្យ៉ាង គឺលោក អ្នកមិនអាចដកមូលបត្ររបស់លោក អ្នកមកកាន់កាប់ក្នុងទម្រង់ជាក្រដាសបានឡើយ។
ការផ្ទេរកម្មសិទ្ធិ នឹងត្រូវធ្វើឡើងនៅក្នុងប្រព័ន្ធ តាមរយៈការផ្ទេររវាងគណនី (book-entry system), គឺស្រដៀងគ្នានឹងការផ្ទេរលុយនៅក្នុងធនាគាមួយដូច្នោះដែរ។
វិនិយោគិនទាំងអស់ ត្រូវបានការពារដោយច្បាប់ ក៏ដូចជា វិធានផ្សេងៗដែលបានដាក់ចេញ ដោយគណៈកម្មការមូលបត្រកម្ពុជា (គ.ម.ក) ក្នុងគោលបំណងការពារវិនិយោគិន បង្ហាញតម្លាភាព គណនេយ្យភាព និងប្រសិទ្ធភាព៕ CSX៕