ដោយៈ ម៉ាលីនណា
ភ្នំពេញៈ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា និងលោក Sopnendu Mohanty សហស្ថាបនិក និងជាអគ្គនាយកប្រតិបត្តិ ស្ថាប័នបណ្ដាញបច្ចេកវិទ្យានិងហិរញ្ញវត្ថុសកលបានអញ្ជើញជាអធិបតី ក្នុងពិធីចុះហត្ថលេខាលើកិច្ចព្រមព្រៀងរវាងស្ថាប័នទាំងពីរ។
ការចុះហត្ថលេខានេះធ្វើឡើង ក្នុងការសហការលើកកម្ពស់ការអភិវឌ្ឍបច្ចេកវិទ្យាហិរញ្ញវត្ថុនៅកម្ពុជា នារសៀលថ្ងៃទី១៩ ខែមិថុនា ឆ្នាំ២០២៦ នៅរាជធានីភ្នំពេញ។
កិច្ចព្រមព្រៀងនេះមានគោលបំណង ផ្តល់នូវក្របខណ្ឌជាក់លាក់សម្រាប់កិច្ចសហប្រតិបត្តិការ ក្នុងការជំរុញវិស័យឌីជីថល និងបច្ចេកវិទ្យាហិរញ្ញវត្ថុ ដែលជាមូលដ្ឋានគ្រឹះលើកកម្ពស់នវានុវត្តន៍ ជំរុញបរិយាកាសវិនិយោគឱ្យកាន់តែទូលំទូលាយ និងគាំទ្រកំណើនសេដ្ឋកិច្ចរយៈពេលវែងរបស់កម្ពុជា៕
