ដោយៈ ម៉ាណា
អន្តរជាតិៈ តម្លៃរូបិយប័ណ្ណគ្រីបតូ ប្រែប្រួលញឹកញាប់ណាស់ ដោយសារតែទីផ្សារមានភាពប្រែប្រួលខ្លាំង ដែលធ្វើឲ្យអ្នកចំណេញលឿន និងខាតបង់លឿនផងដែរ។
ចំណុចសំខាន់ៗខាងក្រោមនេះជាហេតុផលចម្បងៗ ដូចជា
១. គ្មានប្រព័ន្ឋការគ្រប់គ្រងថ្នាក់កណ្តាល
រូបិយប័ណ្ណគ្រីបតូ មិនត្រូវបានគ្រប់គ្រងដោយរដ្ឋាភិបាល ឬធនាគារកណ្តាលណាមួយឡើយ។ តម្លៃអាស្រ័យ100% លើការផ្គត់ផ្គង់ និងតម្រូវការ។ ដូច្នេះពួកវាប្រែប្រួលយ៉ាងលឿននៅពេល ដែលមនុស្សទិញ ឬលក់។
២. ទំហំទីផ្សារតូច
បើប្រៀបធៀបទៅនឹងភាគហ៊ុន ឬមាស ទីផ្សាររូបិយប័ណ្ណគ្រីបតូនៅតែមានទីផ្សារតូចនៅឡើយ ដែលមានន័យថា សូម្បីតែការទិញ ឬលក់បន្តិចបន្តួច ក៏អាចធ្វើឱ្យតម្លៃប្រែប្រួលច្រើនដែរ។
៣. អារម្មណ៍របស់វិនិយោគិន
វិនិយោគិនរូបិយប័ណ្ណគ្រីបតូ មានប្រតិកម្មយ៉ាងឆាប់រហ័សទាក់ទងនឹង
- ព័ត៌មាន
- ពាក្យចចាមអារ៉ាម
- ប្រព័ន្ធផ្សព្វផ្សាយសង្គម
- អ្នកមានឥទ្ធិពលធំៗ ឬអ្នកជួញដូរធំៗ
៤. ត្រីបាឡែនធំៗ
អ្នកកាន់ភាគហ៊ុនធំៗមួយចំនួន (“ត្រីបាឡែន”) មានរូបិយប័ណ្ណគ្រីបតូយ៉ាងច្រើន នៅពេលដែលពួកគេទិញ ឬលក់ តម្លៃអាចលោត ឬធ្លាក់ចុះភ្លាមៗ។
៥. ទីផ្សារដំណើរការ 24/7
រូបិយប័ណ្ណគ្រីបតូ មិនដែលដេកលក់ទេ វាបើកដំណើរការ24 ម៉ោង ជារៀងរាល់ថ្ងៃ។ ដូច្នេះព័ត៌មាន ឬព្រឹត្តិការណ៍នៅពេលណាក៏បានអាចផ្លាស់ប្តូរតម្លៃបាន។
៦. គ្មានបទប្បញ្ញត្តិ
ប្រទេសជាច្រើនមិនទាន់មានច្បាប់តឹងរ៉ឹងនៅឡើយទេ លើរូបិយប័ណ្ណប្រភេទនេះ ដែលនេះធ្វើឱ្យតម្លៃងាយស្រួលក្នុងការគ្រប់គ្រង និងងាយនឹងប្រែប្រួល។
៧. បច្ចេកវិទ្យាថ្មី
រូបិយប័ណ្ណគ្រីបតូ នៅតែជាបច្ចេកវិទ្យាដែលកំពុងអភិវឌ្ឍន៍នៅឡើយ។ ហេតុនេះនៅពេលដែលការអាប់ដេត ភាពជាដៃគូ ឬបញ្ហាថ្មីៗលេចឡើង តម្លៃមានប្រតិកម្មយ៉ាងឆាប់រហ័ស។
