ដោយ លក្ខិណា
ភ្នំពេញៈ ចក្រភពអង់គ្លេសបានប្រកាសចាកចេញ ពីសហភាពអឹរ៉ុបនិងធ្វើពាណិជ្ជកម្មដោយផ្ទាល់ និងឯករាជ្យ ដោយលែងនៅក្រោមចំណុះ របស់សហភាពអឺរ៉ុបទៀតនោះឡើយ។
តើការចាកចេញរបស់អង់គ្លេស ពីសហភាពអឺរ៉ុបវាបានផ្ដល់ប្រយោជន៍អ្វីដែរទេដល់ប្រទេសកម្ពុជា ខណៈសហភាពអឺរ៉ុប បានសម្រេចព្យួរប្រព័ន្ធអនុគ្រោះពន្ធផ្នែកខ្លះ នៃកម្មវិធី EBA? ។
យោងតាមសេចក្តីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិបានឱ្យដឹងថា អង់គ្លេសបានសម្រេចមិនអនុវត្តន៍ តាមវិធានការរបស់សហភាពអឺរ៉ុបចាប់ពីឆ្នាំ២០២១តទៅ ដោយសារតែសហភាពអឺរ៉ុប បានចាកចេញពីសហភាពអឺរ៉ុប ។ដូច្នេះអង់គ្លេស អាចធ្វើពាណិជ្ជកម្មជាប្រទេសជាដៃគូបានដោយឯករាជ។
លោកស្រីអគ្គរាជទូតចក្រភពអង់គ្លេស បានមានប្រសាសន៍ទៅកាន់លោកប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិថា រដ្ឋមន្ត្រីទាំងអស់នៃចក្រភពអង់គ្លេស នឹងមិនបន្តអនុវត្តន៍តាមវិធានការណ៍ របស់សហភាពអឺរ៉ុបមកលើកម្ពុជា ចាប់តាំងពីថ្ងៃទី០១ខែមករា ឆ្នាំ ២០២១ខាងមុខនេះ។
លោកស្រិបន្កថា “នេះគឺជាប្រយោជន៍មួយសម្រាប់កម្ពុជា ក្នុងការទទួលបានពីចក្រភពអង់គ្លេស” ។
ដោយឡែកលោកអាត់ ធន់ប្រធានសហជីពមួយនៅកម្ពុជា ក៏បាននិយាយផងដែរថាចក្រភពអង់គ្លេស គឺជាប្រទេសដែលនាំចូលទំនិញពីកម្ពុជាធំមួយ ក្នុងចំណោមប្រទេសជាសមាជិករបស់សហភាពអឺរ៉ុប។
លោកបន្តថា “ការចាកចេញរបស់អង់គ្លេសពីសហភាពអឺរ៉ុប នឹងមិនអាចឱ្យកម្ពុជាជាប់ពន្ធ សម្រាប់ការនាំចេញទៅកាន់អង់គ្លេសនោះឡើយ។ ផ្ទុយទៅវិញបើសិនជាកម្ពុជាអាចចរចាជាមួយអង់គ្លេសបន្ថែមនោះ វារឹតតែធ្វើឱ្យកម្ពុជាពីប្រយោជន៍ជាច្រើនទៀត” ។ លោកបន្តថា “ខ្ញុំសង្ឃឹមថាអង់គ្លេសនឹងផ្ដល់ឱ្យកម្ពុជា នូវការនាំចូលដោយមិនបង់ពន្ធ” ។
សហភាពអឺរ៉ុបបានប្រកាសអនុវត្តន៍ នូវការដកប្រព័ន្ធអនុគ្រោះពន្ធ២០ភាគរយ ពីកម្មវិធី EBA ពីកម្ពុជា បើគិតទៅប្រមាន ៤០បន្ទាត់ពន្ធគយ ត្រូវនាំចូលសហភាពអឺរ៉ុបដោយបង់ពន្ធ តែក៏មានជាច្រើនបន្ទាត់ពន្ធគយទៀត នាំចូលទៅកាន់សហភាពអឺរ៉ុប ដោយមិនបង់ពន្ធផងដែរ។ កម្មវិធីនេះ ត្រូវបានអនុវត្តន៍ចាប់តាំងពីថ្ងៃទី ១២ខែសីហា ឆ្នាំ ២០២០មក ពោលគឺនៅពេលកម្ពុជា ក៏ដូចជា ប្រទេសក្នុងសហភាពអឺរ៉ុបខ្លួនឯង ជួបវិបត្តិនឹងជំងឺរាតត្បាតសកល កូវីដ១៩ផងដែរ ។
សម្ដេចតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងកន្លងមកថា បើទោះបីជាកម្ពុជាជួបវិបត្តិកូវី១៩ និងបញ្ហា EBA នេះក្ដី តែការនាំចេញរបស់កម្ពុជាឆ្នាំ ២០២០នេះ អាចនឹងមានកំណើនប្រមាន១៨ភាគរយ ពោលគិតជាទឹកប្រាក់ប្រមាណ២២ពាន់លានដុល្លារអាមេរិកទៅកាន់ទីផ្សារអន្តរជាតិ៕
