ដោយៈ ម៉ាណា
កំពតៈ រដ្ឋលេខាធិការក្រសួងពាណិជ្ជកម្ម លោករាជ រ៉ាបានអញ្ជើញជាអធិបតី ក្នុងពិធីបើកសិក្ខាសាលាស្ដីពី “ច្រកចូលទីផ្សារទៅកាន់ប្រទេសជាដៃគូ ក្រោមកិច្ចព្រមព្រៀងពាណិជ្ជកម្មសេរី” នៅខេត្តកំពត។
សិក្ខាសាលានេះ មានការអញ្ជើញចូលរួមពី អភិបាលរងខេត្ត លោកអគ្គនាយករង នៃអគ្គនាយកដ្ឋានជំរុញពាណិជ្ជកម្ម លោកប្រធាន អនុប្រធាន មន្ត្រីនៃនាយកដ្ឋានគោលនយោបាយពាណិជ្ជកម្ម មន្រ្តីមន្ទីរអន្តរស្ថាប័នពាក់ព័ន្ធ អ្នកដាំដុះ អ្នកកែច្នៃ និងអ្នកនាំចេញក្នុងវិស័យម្រេច ស្វាយចន្ទី និងដំឡូងមីផងដែរ។
សិក្ខាសាលានេះ មានគោលបំណង ដើម្បីផ្សព្វផ្សាយនូវកិច្ចព្រមព្រៀងពាណិជ្ជកម្ម រវាងកម្ពុជាជាមួយប្រទេសជាដៃគូ ដើម្បីឱ្យអ្នកនាំចេញអាចពិនិត្យលទ្ធភាព ទាញយកអត្ថប្រយោជន៍ជាអតិបរមា និងចាប់យកចំណែកទីផ្សារ ព្រមទាំងជំរុញការនាំចេញ ព្រមទាំងជាឱកាសចែករំលែកអំពីនីតិវិធី និងលក្ខខណ្ឌតម្រូវរបស់ប្រទេសនាំចូលផងដែរ៕
