ដោយៈ ម៉ាណា
ភ្នំពេញៈ អនុរដ្ឋលេខាធិការក្រសួងពាណិជ្ជកម្ម លោកអ៊ុំ កុសល បានជួបពិភាក្សាការងារជាមួយ លោកស្រី Mrs. Tofiqua Hoque តំណាងសាជីវកម្មហិរញ្ញវត្ថុអន្តរជាតិ (IFC) ប្រចាំកម្ពុជា លើការងារសហការ និងការចូលរួមចំណែកគាំទ្ររបស់ IFC សម្រាប់ការអភិវឌ្ឍវិស័យពាណិជ្ជកម្មនៅកម្ពុជា។
កិច្ចប្រជុំនេះ មានការអញ្ជើញចូលរួមពីថ្នាក់ដឹកនាំនៃអគ្គនាយកដ្ឋានពាណិជ្ជកម្មអន្តរជាតិ និងនាយកដ្ឋានសហប្រតិបត្តិការអន្តរជាតិ នៃក្រសួងពាណិជ្ជកម្ម ជាច្រើនរូប។
ក្នុងឱកាសនោះ ឯកឧត្តមអនុរដ្ឋលេខាធិការ បានស្វាមគន៍យ៉ាងកក់ក្តៅ និងថ្លែងអំណរគុណដល់សាជីវកម្មហិរញ្ញវត្ថុ អន្តរជាតិ (IFC) ក្នុងកិច្ចប្រជុំ ដែលបានផ្តល់ការគាំទ្រ ក៏ដូចជាជំនួយនានារបស់IFC សម្រាប់ការអភិវឌ្ឍ វិស័យពាណិជ្ជកម្មនៅកម្ពុជា ព្រមទាំងបានបញ្ជាក់ថា ការគាំទ្រទាំងនេះបានចូលរួមចំណែកយ៉ាងសំខាន់ ក្នុងការអភិវឌ្ឍវិស័យពាណិជ្ជកម្ម កសាងសមត្ថ ភាពពាណិជ្ជកម្ម និងជំរុញកំណើនសេដ្ឋកិច្ចនៅកម្ពុជាផងដែរ។
ជាមួយគ្នានេះ លោកអនុរដ្ឋលេខាធិការ បានលើកឡើងអំពីគោលបំណងសំខាន់ ក្នុងការរៀបចំបង្កើតយន្តការ សម្របសម្រួលជាមួយដៃគូអភិវឌ្ឍន៍ ក្នុងវិស័យពាណិជ្ជកម្មនៅកម្ពុជា និងស្នើសុំឱ្យមានការចូលរួមសហការពីសាជីវកម្មហិរញ្ញវត្ថុអន្តរជាតិ (IFC) ក្នុងដំណើរការអនុវត្តយន្តការសម្របសម្រួល រវាងដៃគូរអភិវឌ្ឍន៏ជាមួយក្រសួងពាណិជ្ជកម្មនេះឱ្យបានជោគជ័យ ក្នុងគោលបំណងដើម្បីពង្រឹងកិច្ចសហប្រតិបត្តិការឱ្យកាន់តែរឹងមាំ និងការអនុវត្តគម្រោង/កម្មវិធីពាក់ព័ន្ធនានា ក្នុងវិស័យពាណិជ្ជកម្មនៅកម្ពុជា ឱ្យកាន់តែមានប្រសិទ្ធិភាពខ្ពស់៕
 ប្រចាំកម្ពុជា លើការងារសហការ និងការចូលរួមចំណែកគាំទ្ររបស់ IFC សម្រាប់ការអភិវឌ្ឍវិស័យពាណិជ្ជកម្មនៅកម្ពុជា។){kind=link}