ដោយ៖ វុទ្ធី
អន្តរជាតិ៖ មូលបត្របំណុលអាស៊ី ទទួលបានរំហូរចូល ៦ខែជាប់គ្នាត្រឹមខែវិច្ឆិកា ដោយសារមានសុទិដ្ឋិនិយមលើការអភិវឌ្ឍវ៉ាក់សាំងកូវីដ១៩ និងសេចក្តីសង្ឃឹមលើសេដ្ឋកិច្ចក្នុងតំបន់មានការងើបឡើងលឿនជាងមុន។
ទិន្នន័យពីធនាគារកណ្តាលក្នុងតំបន់ និងសមាគមទីផ្សារមូលបត្រនៅឥណ្ឌូណេស៊ី ម៉ាឡេស៊ី ថៃ កូរ៉េខាងត្បូង និងឥណ្ឌា បានបង្ហាញថា មូលបត្របំណុលនៅអាស៊ីមានទឹកប្រាក់សរុប ១,៥ពាន់លានដុល្លារ កាលពីខែមុន។
មូលបត្របំណុលរបស់ឥណ្ឌូនេស៊ី មានទំហំទឹកប្រាក់ ១,១ពាន់លានដុល្លារ ដែលជាអត្រាខ្ពស់បំផុតក្នុងតំបន់ បន្ទាប់មកប្រទេសថៃមានទំហំទឹកប្រាក់ ៩៤១លានដុល្លារ។
ប្រទេសកូរ៉េខាងត្បូង បានប្រឈមនឹងរំហូរសាច់ប្រាក់ចេញ ៨២៣លានដុល្លារកាលពីខែមុន។ តែទោះជាយ៉ាងណាក៏ដោយ មូលបត្របំណុលរបស់កូរ៉េខាងត្បូង នៅតែដឹកនាំលំហូរចូលក្នុងតំបន់ចំនួន ២១ពាន់លានដុល្លារក្នុងរយៈពេល ១១ខែដំបូង ឆ្នាំ២០២០៕ ប្រភព៖ The Star
