ដោយៈ ម៉ាលីនណា
សៀមរាបៈ មន្រ្តីជានខ្ពស់ធនាគារជាតិនៃកម្ពុជា(ABC) បានអញ្ជើញជាអធិបតី ក្នុងវេទិកាគោលនយោបាយតំបន់ស្តីពី “ការផ្តល់ហិរញ្ញប្បទាន ដល់សហគ្រាសកសិកម្មធុនតូចនិងមធ្យម ដើម្បីជំរុញការអភិវឌ្ឍក្នុងប្រទេស”។
វេទិកានេះមានការអញ្ជើញចូលរួម ជាអធិបតីពីលោក រ័ត្ន សុវណ្ណនរៈ ទេសាភិបាលរងធនាគារជាតិនៃកម្ពុជា កាលពីព្រឹកថ្ងៃព្រហស្បតិ៍ ទី៨ ខែសីហា ឆ្នាំ២០២៤ នៅខេត្តសៀមរាប។
វេទិកាគោលនយោបាយនេះ មានគោលបំណងផ្តល់ឱកាសដល់អ្នកចូលរួមប្រមាណ៩០រូប ជាតំណាងធនាគារកណ្តាល ស្ថាប័នរៀបចំគោលនយោបាយ ស្ថាប័នហិរញ្ញវត្ថុ និងដៃគូអភិវឌ្ឍន៍នានា មកពីប្រទេសចំនួន១៤ ដែលជាសមាជិករបស់សមាគម APRACA។
វេទិការនេះធ្វើឡើងដើម្បីស្វែងយល់ និងពិភាក្សាអំពី៖ ១/គោលនយោបាយ សម្រាប់បន្ថយគម្លាតហិរញ្ញប្បទាន ដើម្បីគាំទ្រដល់ការអភិវឌ្ឍសហគ្រាសកសិកម្មធុនតូច និងមធ្យម និង ២/ តួនាទីនិងយន្តការស្ថាប័ន ក្នុងការផ្តល់ហិរញ្ញប្បទានបន្ថែមដល់ សហគ្រាសកសិកម្មធុនតូចនិងមធ្យម បទពិសោធន៍ និងការអនុវត្តជាក់ស្តែង។
នារសៀលថ្ងៃដដែល លោកទេសាភិបាលរង ក៏បានអញ្ជើញចូលរួមកិច្ចប្រជុំ គណៈកម្មការប្រតិបត្តិសមាគម ឥណទានកសិកម្ម និងជនបទ តំបន់អាស៊ីប៉ាស៊ីហ្វិក (APRACA) ដែលសហការរៀបចំ ដោយធនាគារជាតិនៃកម្ពុជា និងសមាគម APRACA ផងដែរ៕
