ដោយៈម៉ាណេត
ភ្នំពេញៈ អ្នកអាចប្តូរប្រាក់រៀល ឬកាសនៅធនាគារជាតិនៃកម្ពុជាបាន។ ធនាគារជាតិនៃកម្ពុជា នឹងធ្វើការផ្លាស់ប្តូរជូនអ្នក ដោយមិនគិតកម្រៃសេវា នូវក្រដាសប្រាក់រៀលដែលចាស់ឬរហែក ឬអ្នកអាចប្តូរពីក្រដាសប្រាក់ ដែលមានចំនួនទឹកប្រាក់ធំទៅជាក្រដាសប្រាក់ដែលមានចំនួនទឹកប្រាក់តូចជាងមុន ឬពីតូចទៅធំ ទៅតាមតម្រូវការរបស់អ្នក។
ធនាគារជាតិនៃកម្ពុជា អាចធ្វើការបដិសេធមិនប្តូរជូនអ្នកចំពោះក្រដាស ប្រាក់ណាដែលក្លែងក្លាយ ខូចរូបរាង ធ្លុះធ្លាយ ឬបាត់បង់ផ្ទៃក្រដាសច្រើនជាង៣០% ។
ក្រដាសប្រាក់បែបនេះ នឹងត្រូវធ្វើការដកហូត និងបំផ្លាញចោលដោយគ្មានសំណងឱ្យទៅម្ចាស់ក្រដាសប្រាក់វិញឡើយ លើកលែងតែក្នុងករណីពិសេសមួយចំនួន ដែលធនាគារជាតិនៃកម្ពុជាអាចនឹងផ្តល់សំណងទាំងអស់ ឬខ្លះៗដល់ម្ចាស់ដើមវិញ។
យ៉ាងណាម៉ិញ អ្នកមិនអាចសុំប្តូរពីរូបិយប័ណ្ណបរទេស មកជារូបិយវត្ថុជាតិឬសុំប្តូរ បញ្ច្រាសមកវិញ នៅធនាគារជាតិនៃកម្ពុជាបានទេ៕
