ដោយៈ គង់ សូរិយា
ភ្នំពេញៈ កាលពីសប្តាហ៍មុន កម្ពុជាបបានសម្ពោធដាក់ឱ្យប្រើប្រាស់ជាផ្លូវការ ស្ថានីយត្រួតពិនិត្យអត្រាកម្រិតជាតិវិទ្យុសកម្មថ្មី (MIRA Gamma-Dose Rate -GDRMS) ចំនួន៧ នៅទូទាំងរាជធានី និងខេត្តជាប់ព្រំដែន ក្នុងគោលបំណងត្រួតពិនិត្យ និងវាយតម្លៃកម្រិតវិទ្យុសកម្មនៅទូទាំងប្រទេស។
ក្រោមការគាំទ្ររបស់សហភាពអឺរ៉ុប ប្រព័ន្ធត្រួតពិនិត្យអត្រាកម្រិតជាតិវិទ្យុសកម្ម ត្រូវបានដំឡើងនៅក្នុងរាជធានីភ្នំពេញ ខេត្តរតនគិរី ឧត្តរមានជ័យ កោះកុង ព្រះសីហនុ កំពត និងកែប ដោយមានគ្រឿងបម្លាស់សម្រាប់ជួសជុល។
លោក កែវ រតនៈ រដ្ឋមន្ត្រីក្រសួងរ៉ែ និងថាមពលបានលើកឡើងថា ស្ថានីយទាំងនេះនឹងជំរុញសមត្ថភាពជាតិ សម្រាប់ការឆ្លើយតបទាន់ពេលវេលា ទៅនឹងហនិភ័យដែពីជាតិវិទ្យុសកម្ម ក្នុងអាកាសធាតុក្នុងន័យការពារសុខភាពសាធារណៈ និងសុវត្ថិភាព និងការការពារបរិស្ថាន។
លោកបាននិយាយនៅក្នុងពិធីសម្ពោធ ដាក់ឱ្យប្រើប្រាស់នៅរាជធានីភ្នំពេញថា “ការបង្កើតស្ថានីយ៍ទាំងនេះនៅកម្ពុជា ជំរុញការប្តេជ្ញាចិត្តរបស់យើង ចំពោះសុវត្ថិភាពនុយក្លេអ៊ែរ ការការពារបរិស្ថាន និងការការពារប្រជាពលរដ្ឋរបស់យើង ពីផលប៉ះពាល់ដ៏គ្រោះថ្នាក់នៃវិទ្យុសកម្ម ក្នុងករណីមានគ្រោះថ្នាក់នុយក្លេអ៊ែរ ឬគ្រោះអាសន្នវិទ្យុសកម្មកើតឡើងនៅក្នុងតំបន់។
លោកបានបន្ថែមថា “ជាមួយនឹងការកើនឡើង នៃការប្រើប្រាស់បច្ចេកវិទ្យានុយក្លេអ៊ែរ និងការលេចចេញនឹងវិទ្យុសកម្ម យើងត្រូវតែមានហេដ្ឋារចនាសម្ព័ន្ធចាំបាច់ដើម្បីតាមដាន និងវាយតម្លៃកម្រិតវិទ្យុសកម្មនៅក្នុងតំបន់ជុំវិញរបស់យើង”។ លោកបន្ថែមថា “សមិទ្ធិផលនៅថ្ងៃនេះ ផ្តល់អោយឱ្យយើងជាមួយនឹងទិន្នន័យ ពេលវេលាជាក់ស្តែង ដែលអនុញ្ញាតឱ្យមានការសម្រេចចិត្តយ៉ាងសកម្ម ដើម្បីការពារសុខភាពសាធារណៈ និងបរិស្ថាន”។
ប្រព័ន្ធត្រួតពិនិត្យនេះត្រូវបានបង្កើតឡើង ដើម្បីវាស់កម្រិតវិទ្យុសកម្មGAMMA នៅក្នុងការកំណត់បរិស្ថានផ្សេងៗ បានយ៉ាងត្រឹមត្រូវ ហើយស្ថានីយនីមួយៗ ត្រូវបានភ្ជាប់ទៅបណ្តាញត្រួតពិនិត្យវិទ្យុសកម្ម និងមជ្ឈមណ្ឌលគ្រប់គ្រងផ្តល់ព័ត៌មានជាមុនរបស់កម្ពុជា។
ស្ថានីយ៍នីមួយៗ ផ្តល់ទិន្នន័យពេលវេលាជាក់ស្តែង សម្រាប់ការសម្រេចចិត្តទាន់ពេលវេលា និងការគ្រប់គ្រងប្រកបដោយប្រសិទ្ធភាពនៃព្រឹត្តិការណ៍វិទ្យុសកម្ម ឬភាពអាសន្នទាំងកម្រិតជាតិ និងតំបន់ តាមរយៈវេទិកា ផ្លាស់ប្តូរទិន្នន័យវិទ្យុសកម្មអាស៊ាន ដែលរៀបចំដោយការិយាល័យអាតូមដើម្បីសន្តិភាពក្នុងប្រទេសថៃ។
ឯកអគ្គរដ្ឋទូតសហភាពអឺរ៉ុបប្រចាំកម្ពុជា លោក Igor Driesmans បាននិយាយថា “គំនិតផ្តួចផ្តើមនេះឆ្លុះបញ្ចាំង ពីការប្តេជ្ញាចិត្តរបស់សហភាពអឺរ៉ុប ក្នុងការកែលម្អការត្រៀមលក្ខណៈសង្គ្រោះបន្ទាន់ សមត្ថភាពឆ្លើយតប និងការសម្របសម្រួល ដើម្បីដោះស្រាយការគំរាមកំហែងផ្នែកសុខភាព និងប្រព័ន្ធអេកូឡូស៊ីទាំងកម្រិតជាតិ និងអន្តរជាតិ”៕
