ដោយៈ ម៉ាលីនណា
ភ្នំពេញៈ លោកឧកញ៉ា គឹម ហ៊ាង ប្រធាន KW Cambodia បានលើកឡើងថា កម្ពុជាគួរតែបង្កើនការទាក់ទាញការវិនិយោគពីតំបន់មជ្ឈឹមបូព៌ា ដើម្បីជម្រុញការលើកកំពស់សេដ្ឋកិច្ច និងអចលនទ្រព្យ។
លោកឧកញ៉ាបណ្ឌិតបានមានប្រសាសន៍ឲ្យដឹងកាលពីចុងសប្តាហ៍មុនថា ការទាក់ទាញវិនិយោគ ដោយមិនរំពឹងតែពីប្រទេសចិននោះទេ ប្រទេសសំខាន់មួយទៀត ដែលកម្ពុជាគួរសម្លឹងមក គឺវិនិយោគិនមកពីបណ្តាប្រទេសអារ៉ាប់ ដែលនៅប៉ែកមជ្ឈឹមពូព៌ាប្រទេស ព្រោះប្រទេសដែលចាយលុយខ្លាំងជាងគេ ក្នុងអំឡុងឆ្នាំ២០២៣ គឺប្រទេសក្នុងតំបន់អារ៉ាប់ ដែលជាប្រទេសដែលមានលុយមហាសាល។
លោកបញ្ជាក់ថា “ខ្ញុំមើលឃើញថា បើសិនជាយើងអាចទាក់ទាញ ចិនផង កូរ៉េផង ជប៉ុន អាស៊ាន កុំភ្លេចប្រទេសនៅតំបន់មជ្ឈឹមប្រទេស គឺអារ៉ាប់”។លោកបន្តថា “ប្រសិនបើអារ៉ាប់ទម្លាក់លុយមកតែ២០ពាន់លានដុល្លារ ឆ្នាំ២០២៤នៅក្នុងស្រុកខ្មែរ សេដ្ឋកិច្ចខ្មែរ នឹងល្អដូចឆ្នាំ២០១៩ អីចឹង”៕