ដោយៈ ម៉ាណេត
ភ្នំពេញៈ សមតុល្យឥណទានហិរញ្ញវត្ថុផ្ទាល់ខ្លួន មានចំណែក៤៧,៩០% នៃសមតុល្យឥណទានលក្ខណៈបុគ្គល ដែលមានទំហំចំនួន៩,១១ពាន់លានដុល្លារ ឬ៤,៣៦ ពាន់លានដុល្លារ គិតត្រិមត្រីមាសទី៣ឆ្នាំ២០២០ ។ នេះបើយោងតាមរបាយការណ៍ចុងក្រោយរបស់ក្រុមហ៊ុនក្រេឌីត ប្យួរ៉ូ (ខេមបូឌា)។
ពាក្យស្នើសុំឥណទានលក្ខណៈបុគ្គល បានបង្ហាញអំពីបំណងរបស់អ្នកប្រើប្រាស់ក្នុងការទទួលបានឥណទាន ក្នុងលក្ខណៈជាឥណទាន សម្រាប់ប្រើប្រាស់ផ្ទាល់ខ្លួនប័ណ្ណឥណទាន និងកម្ចីអចលនទ្រព្យ។ ដំណើរការឥណទានលក្ខណៈបុគ្គល បង្ហាញអំពីទំហំឥណទានលក្ខណៈបុគ្គល នៅបំណាច់ត្រីមាសឆ្លុះបញ្ចាំងពីទីផ្សារឥណទានសកម្ម។
គិតត្រឹមខែកញ្ញា ឆ្នាំ២០២០ ចំនួនគណនីឥណ ទានលក្ខណៈបុគ្គលមានការកើនឡើងតិចតួច+០,២៨%ពីត្រីមាសមុន ដែលធ្វើអោយចំនួនគណនីនៅទូទាំងប្រទេសកើនឡើងនៅត្រឹម១,២៧លានដុល្លារ។ ក្នុងចំណោមចំនួននេះ៨១,១២% ជាឥណទានសម្រាប់ប្រើប្រាស់ផ្ទាល់ខ្លួនខណៈដែលចំណែកតូចជាងនេះគឺ កម្ចីអចលនទ្រព្យ (១០,៥៨%) និង កម្ចីប័ណ្ណឥណទាន (៨,៣០%) ។
ការកើនឡើងនេះ ត្រូវបានគេមើលឃើញនៅក្នុងតំបន់ចំនួន៣នៅកម្ពុជា +៣,២%នៅតំបន់ខ្ពង់រាប +០,៧%នៅ តំបន់បឹងទន្លេសាប និង +០,៣% នៅតំបន់ឆ្នេរ បានធ្លាក់ចុះនៃចំនួនគណនីឥណទាន-០,៩% ។
ចំណែកឯសមតុល្យឥណទានលក្ខណៈបុគ្គល ក៏បានបន្តកើនឡើងជាលំដាប់ក្នុងកម្រិត+៤,៣៥% គិតត្រឹមពីខែកញ្ញា ឆ្នាំ២០២០ ។
នៅចុងត្រីមាសនេះ សមតុល្យឥណទានលក្ខណៈបុគ្គល មានទំហំចំនួន៩,១១ ពាន់លានដុល្លារ។ កម្ចីអចលនទ្រព្យមានលើសពីពាក់កណ្តាល នៃសមតុល្យឥណទានលក្ខណៈបុគ្គលសរុប ៥១,៥១% ។ ចំណែកឯសមតុល្យឥណទានហិរញ្ញវត្ថុផ្ទាល់ខ្លួនមានចំណែក៤៧,៩០% (៤,៣៦ ពាន់លានដុល្លារ)។
បើទោះបីជាចំនួនគណនី នៃកម្ចីអចលនទ្រព្យមានចំនួនត្រឹម១០,៥៨% នៃចំនួនគណនីសរុប, ក៏ប៉ុន្តែចំនួននេះមានទំហំច្រើនជាងពាក់កណ្តាល នៃសមតុល្យឥណទានសរុប។ សមតុល្យប័ណ្ណឥណទានមានចំណែកតូចគឺត្រឹមតែ០,៥៨% ប៉ុណ្ណោះ។
និយាយជារួម កំណើនវិជ្ជមាន មាននៅតំបន់ទំនាប +៥,១% តំបន់ឆ្នេរ +៣,៤% តំបន់ខ្ពង់រាប +២,៥%និង តំបន់ទន្លេសាប +១,៥% ៕
