ដោយៈ គង់ ហ្វីអូណា
ភ្នំពេញៈ លោក ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍បានគូសបញ្ជាក់ថា ឆ្នាំ ២០២៤ ក្រសួងនឹងជំរុញរាល់ ការផ្តល់សេវាផ្សេងៗរបស់ក្រសួង នឹងប្រើប្រាស់ប្រព័ន្ធបច្ចេកវិទ្យា ឬប្រព័ន្ធអនឡាញទាំងអស់។
ការលើកឡើងនេះ ស្របតាមគោលនយោបាយរបស់រដ្ឋាភិបាលដែលជំរុញឲ្យគ្រប់ស្ថាប័នជាតិទាំងអស់ រុញការផ្តល់សេវាកម្មផ្សេងៗតាមប្រព័ន្ធអនឡាញ ដើម្បីបង្កើនការប្រកួតប្រជែង ក្នុងបរិបទសេដ្ឋកិច្ចសកល។
ទាក់ទងការៀបចំការផ្តល់សេវាតាមអនឡាញ បើតាមលោករដ្ឋមន្រ្តី ក្រសួងបានបង្កើតច្រកចេញចូលតែមួយ One stop service window ក្នុងន័យបម្រើការផ្តល់សេវាឲ្យបានឆាប់រហ័ស មានប្រសិទ្ធភាព កាត់បន្ថយចំណាយពេលវេលារបស់អ្នកប្រើប្រាស់។
លោករដ្ឋមន្រ្តីអះអាងថា សេវាសាធាណៈជាតម្រូវការចាំបាច់របស់វិស័យឯកជន ដែលចាំបាច់ស្ថាប័នជាតិ ត្រូវបន្តសម្រួលឆ្លើយតបតាមបរិបទនៃបច្ចេកវិទ្យា និងស្ថានភាពនៃប្រកួតប្រជែងនាពេលបច្ចុប្បន្ន៕