ដោយៈ គង់ ម៉ាលីនណា
ភ្នំពេញៈ សាជីវកម្មធានាឥណទានកម្ពុជា (CGCC) បានផ្តល់ឥណទានដល់សហគ្រាសធុនតូច និងមធ្យមចំនួន១៦៤,៧ លានដុល្លារគិតត្រឹមខែធ្នូ ឆ្នាំ២០២៣។
យោងតាមព្រឹត្តិប ត្រដែលបានចេញផ្សាយ កាលពីពេលថ្មីៗនេះបានបង្ហាញថា អាជីវកម្មចំនួន១.៩២៨ ទទួលបានអត្ថប្រយោជន៍ពីការផ្តល់ជូននេះ។
ព្រឹត្តិបត្រដដែលបានឲ្យដឹងទៀតថា “សាជីវកម្មធានាឥណទានកម្ពុជា បានផ្តល់ឥណទាន ដែលមានការធានាចំនួន១៦៤,៧ លានដុល្លារសម្រាប់អាជីវកម្ម ការវិនិយោគ និងដើមទុនពង្រីកអាជីវកម្ម ដើម្បីគាំទ្រអាជីវកម្មខ្នាតតូច និងខ្នាតតូច”។
ឯកសារបញ្ជាក់ទៀតថា សន្និធិឥណទាន ដែលមានការធានាមានទំហំទឹកប្រាក់ប្រមាណ ចំនួន១១៦.១លានដុល្លារ ហើយសន្និធិទំហំការធានាឥណទាន មានចំនួន៨៣,៦លានដុល្លារ។
គម្រោង សាជីវកម្មធានាឥណទានកម្ពុជា មានស្ថាប័នហិរញ្ញវត្ថុចូលរួមចំនួន២៧ (PFIs) ដើម្បីពង្រីកឥណទានជាការវិនិយោគ និងការពង្រីកអាជីវកម្ម ដល់សហគ្រាសធុនតូច និងមធ្យម។
សាជីវកម្មធានាឥណទានកម្ពុជា គឺជាគ្រឹះស្ថានធានាឥណទានបង្កើតឡើងក្នុងខែវិច្ឆិកា ឆ្នាំ២០២០ ដើម្បីកែលម្អបរិយាបន្នហិរញ្ញវត្ថុ និងអភិវឌ្ឍកំណើន នៃសហគ្រាសធុនតូច និងមធ្យម ជាមួយនឹងថវិការដ្ឋប្រមាណ២០០លានដុល្លារ។
លោកម៉ី វ៉ាន់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បាននិយាយថា ការបែងចែកប្រាក់កម្ចីដោយរលូន បានជំរុញសហគ្រិនភាព និងបរិយាបន្នហិរញ្ញវត្ថុ។
សាជីវកម្មធានាឥណទានកម្ពុជា បានដើរតួនាទីយ៉ាងសំខាន់ក្នុងការបម្រើសេចក្តីត្រូវការ របស់សហគ្រាសធុនតូច និងមធ្យមនៅកម្ពុជា ដែលកំពុងជួបការលំបាក ដោយសារជំងឺរាតត្បាត Covid-19 និងវិបត្តិអតិផរណា ដែលត្រូវការឥណទានពីធនាគារ សម្រាប់ការធ្វើអាជីវកម្មរបស់ពួកគេ៕
