ដោយៈ គង់ ម៉ាលីនណា
ភ្នំពេញៈ តំណាងរបស់ក្រុមហ៊ុន Miracle City World Groupបានជួបពិភាក្សាការងារជាមួយលោកស៊ូ សុជាតិ ប្រតិភូរាជរដ្ឋាភិបាលទទួលបន្ទុក ជាអគ្គនាយកនៃនិយ័តករមូលបត្រកម្ពុជា។
កិច្ចប្រជុំកាលពីថ្ងៃទី២៣ ខែមករា ឆ្នាំ២០២៤ បានដឹកនាំដោយលោកស៊ូ សុជាតិ អមដោយលោកឃុន គីមលៀង ប្រធាននាយកដ្ឋានត្រួតពិនិត្យអន្តរការីមូលបត្រ បានដឹកនាំសហការីទទួលជួបប្រជុំជាមួយតំណាងរបស់ក្រុមហ៊ុន Miracle City World Group ដើម្បីពិភាក្សាពាក់ព័ន្ធនឹងការចាប់អារម្មណ៍ របស់ក្រុមហ៊ុនអំពីឱកាសក្នុងការវិនិយោគ និងការប្រកបអាជីវកម្មផ្សេងៗក្នុងវិស័យមូលបត្រ។
លោកបានបង្ហាញដល់ក្រុមហ៊ុនអំពីសក្តានុពល និងការរីកចម្រើននៃវិស័យមូលបត្រ និងបានឆ្លើយតបនូវសំណួរសំខាន់ៗ ព្រមទាំងបានផ្តល់ជាអនុសាសន៍ ពាក់ព័ន្ធនឹងការវិនិយោគ និងការធ្វើអាជីវកម្មក្នុងវិស័យមូលបត្រផងដែរ៕
