ដោយៈ គង់ ម៉ាលីនណា
ភ្នំពេញៈ ការនាំចូលប្រេងម៉ាស៊ូត និងប្រេងសាំងរបស់កម្ពុជាបានធ្លាក់ចុះ៧,៦ ភាគរយក្នុងឆ្នាំ ២០២៣ នេះបើតាមរបាយការណ៍ពីអគ្គនាយកដ្ឋានគយ និងរដ្ឋាករកាលពីថ្ងៃអាទិត្យ។
របាយការណ៍បានឲ្យដឹងទៀតថា ទំហំទឹកប្រាក់នៃការនាំចូលប្រេងម៉ាស៊ូត និងប្រេងសាំងសរុបមានចំនួន ២,១៧ ពាន់លានដុល្លារកាលពីឆ្នាំ២០២៣ ធ្លាក់ចុះ៧,៦ភាគរយ ពី៣,៣៥ពាន់លានដុល្លារកាលពីឆ្នាំមុន។
កម្ពុជាបានចំណាយទឹកប្រាក់ ចំនួនប្រមាណ១,៣២ ពាន់លានដុល្លារសម្រាប់ប្រេងម៉ាស៊ូត និង៨៥០ លានដុល្លារសម្រាប់ប្រេងសាំងកាលពីឆ្នាំមុន ធ្លាក់ចុះ១២,២ ភាគរយ និង ០,២៦ ភាគរយរៀងគ្នា។
បច្ចុប្បន្ន កម្ពុជាពឹងផ្អែកទាំងស្រុង លើការនាំចូលប្រេងម៉ាស៊ូត និងប្រេងសាំង ដោយសារប្រភពប្រេងនៅសមុទ្ររបស់ខ្លួន មិនទាន់ត្រូវបានទាញយកមកប្រើប្រាស់នូវឡើយ។
ក្រសួងរ៉ែ និងថាមពលបានព្យាករណ៍ថា តម្រូវការប្រេងនៅកម្ពុជា នឹងកើនឡើងដល់៤,៨លានតោន នៅឆ្នាំ២០៣០ កើនឡើងពី២,៨លានតោនក្នុងឆ្នាំ២០២០។
នៅតាមស្ថានីយប្រេងឥន្ធនៈនៅថ្ងៃអាទិត្យ សាំងធម្មតា និងម៉ាស៊ូតមានតម្លៃ ៤ ១៥០ រៀល (១,០១ ដុល្លារ) ក្នុងមួយលីត្រ៕