ដោយៈ និស្ស័យ
សៀមរាបៈ ធនាគារជាតិនៃកម្ពុជា(MOU) បានសហការជាមួយធនាគារកណ្តាលកូរ៉េរៀបចំសិក្ខាសាលាបិទកម្មវិធី “ការទំនាក់ទំនងនិងផ្សព្វផ្សាយសាធារណៈរបស់ធនាគារកណ្តាល” ក្រោមកម្មវិធីភាពជាដៃគូនៃការចែករំលែក ចំណេះដឹងរបស់ធនាគារកណ្តាលកូរ៉េ។
សិក្ខាសាលានេះបានរៀបចំឡើង ចាប់ពីថ្ងៃទី១៨ ដល់ថ្ងៃទី២២ ខែធ្នូ ឆ្នាំ២០២៣ នៅខេត្តសៀមរាប។
សិក្ខាសាលានេះ ប្រព្រឹត្តទៅក្រោមអធិបតីភាពរបស់លោក ស៊ុំ សន្និសិទ្ធ ទេសាភិបាលរង ធនាគារជាតិនៃកម្ពុជា និងលោកHeung Mo Lee អតីតទេសាភិបាលរង ធនាគារកណ្តាលកូរ៉េ និងជាទីប្រឹក្សាជាន់ខ្ពស់នៃកម្មវិធីភាពជាដៃគូ នៃការចែករំលែកចំណេះដឹង ឆ្នាំ២០២៣។
លទ្ធផលនៃការស្រាវជ្រាវរួមគ្នា រវាងក្រុមអ្នកស្រាវជ្រាវនៃធនាគារជាតិនៃកម្ពុជា និងសាកលវិទ្យាល័យ Hanyang ERICA បានបង្ហាញថា ការទំនាក់ទំនង និងផ្សព្វផ្សាយសាធារណៈរបស់ធនាគារកណ្តាលដើរតួនាទីកាន់តែសំខាន់ ជាពិសេសក្នុងសម័យកាលដែលបច្ចេកវិទ្យាកាន់តែមានការរីកចម្រើន៕ 
