ដោយៈ គង់ ម៉ាលីនណា
ភ្នំពេញៈ ទេសាភិបាលរង ធនាគារជាតិនៃកម្ពុជា លោកយឹម លាតបានអញ្ជើញជាអធិបតី ក្នុងកម្មវិធីប្រគល់ពានរង្វាន់ សម្រាប់ការអប់រំផ្នែកហិរញ្ញវត្ថុថ្នាក់តំបន់ប្រចាំឆ្នាំ២០២៣ (Regional Financial Education Excellence Award 2023) របស់ធនាគារមេយប៊ែង (ខេមបូឌា) ភីអិលស៊ី កាលពីថ្ងៃព្រហស្បតិ៍ ទី៧ ខែធ្នូ ឆ្នាំ២០២៣។
កម្មវិធីនេះបានធ្វើនៅសណ្ឋាគារ ហៃយ៉ាត់ រីជិនស៊ីភ្នំពេញ និងបានប្រគល់វិញ្ញាបនបត្រ ជូនដល់ជ័យលាភីមកពីប្រទេសចំនួន៥ គឺ កម្ពុជា ម៉ាឡេស៊ី ឥណ្ឌូណេស៊ី ហ្វីលីពីន និងវៀតណាម។
កម្មវិធីនេះមានគោលបំណងចម្បងៗ ចំនួន ៣ដូចចា ១/-គាំទ្រការអប់រំផ្នែកហិរញ្ញវត្ថុ ដល់សិស្សអាយុចាប់ពី៩ ដល់១២ឆ្នាំ នៅតាមសាលារៀននៃប្រទេសក្នុងតំបន់អាស៊ាន តាមរយៈកម្មវិធីគំនូរជីវចល ទី២/-ទទួលស្គាល់ និងអបអរសាទរដល់ជ័យលាភីតាមក្រុមដូចជា៖ សាលារៀន គ្រូបង្រៀន សិស្ស និងគ្រួសារ ដែលបានចូលរួម និងខិតខំយ៉ាងសកម្ម ក្នុងការគាំទ្រកម្មវិធីអប់រំផ្នែកហិរញ្ញវត្ថុ និងទី៣/-ជំរុញការយល់ដឹងកាន់តែស៊ីជម្រៅ អំពីសារៈសំខាន់នៃការគ្រប់គ្រងហិរញ្ញវត្ថុក្នុងចំណោមសិស្ស និងក្រុមគ្រួសាររបស់ពួកគេ៕