ដោយៈ គង់ ម៉ាលីនណា
ភ្នំពេញៈ លោកឧកញ៉ាហួត អៀងតុង ប្រធានអគ្គនាយកនៃធនាគារ ហត្ថា បានផ្តល់កិត្តិយសចូលរួមជាគណៈអធិបតី ក្នុងកម្មវិធីបិទវគ្គបណ្តុះបណ្តាល និងចែកវិញ្ញាបនបត្រជូនដល់សិក្ខាកាម ដែលបានបញ្ចប់វគ្គដោយជោគជ័យស្តីពី “ការអភិវឌ្ឍខ្លួន និងការគ្រប់គ្រងរបត់នៃការផ្លាស់ប្តូរ”។
កម្មវិធីនេះ ត្រូវបានរៀបចំជាពិសេស ដោយសមាគមមីក្រូហិរញ្ញវត្ថុកម្ពុជា សម្រាប់គ្រឹះស្ថានមីក្រូហិរញ្ញវត្ថុជេកស៍ (ខេមបូឌា) ម.ក។ នៅក្នុងកម្មវិធីនេះ លោកឧកញ៉ា ក៏បានផ្តល់ជាអនុសាសន៍ថា “មានតែការខិតខំប្រឹងប្រែងអភិវឌ្ឍចំណេះដឹង និងផ្លាស់ប្តូរខ្លួនឯងទេ ទើបស្ថាប័នមិនផ្លាស់ប្តូរយើង”។
ក្នុងន័យនេះលោកឧកញ៉ា បានលើកយកនូវបទពិសោធពីកិច្ចខិតខំប្រឹងប្រែងរៀនសូត្រ របស់លោកផ្ទាល់មកឆ្លុះបញ្ចាំងផងដែរ៕