ដោយៈ តែម សុខុម
ភ្នំពេញ: ការនាំចូលផលិតផលប្រេង និងឧស្ម័នរបស់កម្ពុជា មានទំហំសរុប២,២៨ពាន់លានដុល្លារអាមេរិក អំឡុងរយៈពេល៨ខែដើមឆ្នាំនេះ គិតចាប់ពីខែមករា ដល់ខែសីហា។
យោងតាមរបាយការណ៍ពីអគ្គនាយកដ្ឋានគយ និងរដ្ឋាករកាលពីថ្ងៃច័ន្ទ ទី១៨ ខែកញ្ញាបានបង្ហាញថា ទំហំនាំចូលនេះបានធ្លាក់ចុះ៩,៥%បើធៀបនឹងឆ្នាំមុន។
ខណៈតម្រូវការប្រេង និងឧស្ម័នរបស់កម្ពុជា ពឹងផ្អែកខ្លាំងលើការនាំចូល ក្រសួងរ៉ែ និងថាមពលបានព្យាករថា តម្រូវការផលិតផលប្រេង និងឧស្ម័នត្រូវបានរំពឹងថា នឹងកើនឡើងដល់៤,៨លានតោននៅឆ្នាំ២០៣០ ដោយកើនឡើងពី២,៨លានតោនក្នុងឆ្នាំ២០២០។
នៅតាមស្ថានីយប្រេងឥន្ធនៈក្នុងប្រទេសកម្ពុជា កាលពីថ្ងៃច័ន្ទ ទី១៨ ខែកញ្ញា ប្រេងសាំងធម្មតាមានតម្លៃ៤.៦៤៦រៀល (១,១២ ដុល្លារអាមេរិក) ក្នុងមួយលីត្រ ខណៈប្រេងម៉ាស៊ូតមានតម្លៃ៤.៧៨៦រៀល (១,១៥ ដុល្លារ) ក្នុងមួយលីត្រ៕ Xinhua៕