តម្លៃហាងឆេងមាសស្ថិតនៅទ្រឹង នៅក្នុងថ្ងៃអង្គារនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសស្ថិតនៅទ្រឹង នៅថ្ងៃអង្គារនេះ ខណៈអ្នកវិនិយោគកំពុងទន្ទឹងរង់ចាំការចេញផ្សាយតួលេខអតិផរណានៅសហរដ្ឋអាមេរិក ដែលអាចផ្តល់នូវតម្រុយអំពីការដំឡើងអត្រាការប្រាក់របស់ធនាគារកណ្តាលអាមេរិក(Fed)។

មាស Spot Gold បានជួញដូរនៅតម្លៃ១៩២១,០៤ដុល្លារ ក្នុងមួយអោនត្រឹមម៉ោង 0042 GMT ខណៈដែលតម្លៃមាសរបស់សហរដ្ឋអាមេរិក U.S. gold futures បានធ្លាក់ចុះ០,១% មកនៅត្រឹម១៩៤៤,៥០ដុល្លារក្នុងមួយអោន។

សន្ទស្សន៍ប្រាក់ដុល្លារអាមេរិកស្ថិតនៅទ្រឹង បន្ទាប់ពីបានប្រកាសពីការខាតបង់ដ៏ធំបំផុតរបស់ខ្លួនក្នុងរយៈពេលពីរសប្តាហ៍កាលពីវគ្គមុន នៅ មុន ចេញផ្សាយទិន្នន័យ សន្ទស្សន៍ តម្លៃ ទំនិញ ប្រើ ប្រាស់ របស់ សហរដ្ឋ អាមេរិក (CPI) នៅ ថ្ងៃ ពុធស្អែកនេះ។

យោងតាម របាយការណ៍ របស់ ធនាគារកណ្តាលអាមេរិកប្រចាំទីក្រុង New York Fed បង្ហាញថា ទស្សនៈរួមរបស់ជនជាតិអាមេរិកលើអតិផរណាបានផ្លាស់ប្តូរតិចតួចនៅក្នុងខែសីហា ទោះជាពួកគេបានព្យាករអំពីការកើនឡើងនៃតម្លៃទំនិញផ្សេងៗដូចជា ផ្ទះ និងម្ហូបអាហារយ៉ាងណាក្តី។

ក្រុមហ៊ុន SPDR Gold Trust ដែលជាមូលនិធិជួញដូរមាសដ៏ធំបំផុតរបស់ពិភពលោកបានរាយការណ៍ថា ការកាន់កាប់មាសរបស់ខ្លួនបានធ្លាក់ចុះ០,២០% មកត្រឹម៨៨៤,៨៩តោនកាលពីថ្ងៃចន្ទដើមសប្តាហ៍នេះ ពី៨៨៦,៦៤តោនកាលពីថ្ងៃសុក្រ។

តម្លៃspot silver ស្ថិតនៅទ្រឹងត្រឹម២៣,០៦ដុល្លារក្នុងមួយអោន ផ្លាទីនធ្លាក់ថ្លៃចុះ០,២% មកត្រឹម៨៩៦,៦៩ដុល្លារក្នុងមួយអោន ហើយប៉ាឡាដ្យូម(palladium)បានធ្លាក់ថ្លៃចុះ០,២% មកត្រឹម១២១៥,៧០ដុល្លារក្នុងមួយអោន៕